Қазақстандық шорт-трекші әлем чемпионатында үздік ондыққа кірді

ОРАЛ. ҚазАқпарат - Канаданың Монреаль қаласында шорт-тректен мәреге жеткен әлем чемпионатында қазақстандық Денис Никиша үздік он спортшының қатарына енді, деп хабарлайды ҚазАқпарат тілшісі.
Қостанай облысында туып-өскен Д.Никиша 1500 метр қашықтықта бесінші орынға ие болса, 500 метрлік бәсекеде жетінші сатыға табан тіреді. 1000 метрлік жарыста ширек финалдан аса алмағанымен, көпсайыс қорытындысында тоғызыншы орынға көтерілді.
«Әлем чемпионатына Қазақстаннан Денис Никиша екеуміз ғана бардық. Ерлерден Нұрберген Жұмағазиев пен қыздардан Ким Йонг А қатысуы керек еді. Канада елшілігі Мәскеуде, виза алу үшін он бір күндей уақыт қажет. Екеуі виза алып үлгермеді. Соған қарамастан, Денистің көпсайыста тоғызыншы орын алуы - жақсы нәтиже. Өткен жылы 21-орынды қанағат тұтқанбыз. Әлем чемпионатына сақадай сай болу үшін кемінде бір апта бұрын келу керек. Канада, АҚШ пен Қазақстан арасындағы уақыт айырмашылығы - 11 сағат. Сондықтан күні бұрын келіп, мұндағы ауа райына бейімделу де үлкен рөл атқарады», - деді «ҚазАқпарат» тілшісіне шорт-тректен Қазақстан ұлттық құрамасының бас бапкері Мәдіғали Қарсыбеков.
Сондай-ақ, ол алда ерлер мен әйелдер арасында көпсайыстан Қазақстан чемпионаты өтетіндігін де айтты.
«Осымен маусым бітеді. Содан кейін жаңа құрама жасақтап, келесі Олимпиадаға дайындық жұмыстарын бастаймыз», - деп түйді бас бапкер.
- KWU киокушинкайдан ӘЧ: Қазақстандық каратешілер үш алтын медаль иеленді
- Бес қазақстандық спортшы KWU киокушинкайдан ӘЧ финалына өтті
- Допты хоккей: «Ақжайық» алғашқы жеңісіне қол жеткізді
- Футзал: Қазақстан құрамасы сынға түсетін топтың ойын күнтізбесі анықталды
-
Оралда тұрғын үйде өрт болып, 10 адам эвакуацияланды
-
Бокстан Конфедерация кубогы Түркістан боксшыларына бұйырды
- Елбасы жолдауы
- Жолдау жүктеген міндеттер
- Қазақстан тарихы
- Әлемдік БАҚ Қазақстан туралы
- Жаңа индустрияландыру
- Болашаққа 100 қадам