+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Қазақстандық шахматшы әлемнің вице-чемпионын жеңіп, үздік нәтиже көрсетті

2021 жылғы 20 шілде 17:47
Бөлісіңіз:
Қазақстандық шахматшы әлемнің вице-чемпионын жеңіп, үздік нәтиже көрсетті

НҰР-СҰЛТАН. ҚазАқпарат - Халықаралық гроссмейтер, шахматтан Қазақстан құрамасының көшбасшысы Ринат Жұмабаев АҚШ спортшысы, әлемнің вице-чемпионы Фабиано Каруанадан басым түсті, деп хабарлайды ҚазАқпарат еліміздің Шахмат федерациясының баспасөз қызметіне сілтеме жасап.

Шахмат федерациясының мәліметінше, бүгінде Сочи қаласында шахматтан ФИДЕ әлем кубогы өтіп жатыр. Аталған бәсекеде халықаралық гроссмейтер, шахматтан Қазақстан құрамасының көшбасшысы Ринат Жұмабаев қарсыласын жеңді. Ол АҚШ шахматшысы әлемнің вице-чемпионы Фабиано Каруанадан басым түсті.

«Қазақстандық шахматшыға 3 раундтың екінші кезеңінде жеңіске жету оңайға соқпады, өйткені ол қара түсте ойнады. Алайда ойын барысында фигуралардың стандартты емес қатынасы бар позиция пайда болып, жерлесімізге қарсыласынан басым түсудің сәті түсті. 3 раундтың бірінші кезеңінде қазақстандық шахматшы қарсыласымен теңдей түсті, осылайша Ринат 1.5: 0.5 есебімен турнирдегі басты фавориттердің бірін жеңіп, әлем кубогының келесі кезеңіне жолдама алды», - делінген хабарламада.

Жерлесіміздің әлем кубогындағы келесі қарсыласы бүгін АҚШ гроссмейстері Сэм Шенкленд пен украиндық Александр Арещенко арасындағы тай-брек матчының қорытындысынан кейін белгілі болады.


Біздің каналымызға жазылыңыз:

Бөлісіңіз:

Автор:

Әли Ибраев

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059

MURAǴAT