+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Қазақстандық «Шағала» ұшқышсыз ұшу аппаратының кезекті сынағы сәтті өтті

2021 жылғы 15 мамыр 18:43
Бөлісіңіз:
Қазақстандық «Шағала» ұшқышсыз ұшу аппаратының кезекті сынағы сәтті өтті

НҰР-СҰЛТАН. ҚазАқпарат - Нұр-Сұлтан қаласының маңында отандық өнім «Шағала» барлау ұшқышсыз ұшу авиациялық кешенінің далалық сынақтары өтті, деп хабарлайды ҚазАқпарат.

Ұқсас жаңалықтар
Петропавл әскери институтын биыл Тәжікстан, Қырғызстан азаматтары да бітіріп шықты 19 маусым – Әуе шабуылына қарсы қорғаныс әскерлерінің құрылған күні Мәжіліс Қазақстан мен Ресейдің әскери ынтымақтастығына қатысты құжатты қарайды

Аталған құрылғыны Қорғаныс министрлігінің тапсырысымен Қазақстан Республикасының Тұңғыш Президенті – Елбасы атындағы Ұлттық қорғаныс университетінің әскери ғалымдары әзірледі.

Қазіргі уақытта бұл аппарат сынақтардың соңғы сатысынан өткізілуде.

Ол түрлі ауа райы мен әркелкі жер жағдайларында бірнеше рет сыналып, жақсы нәтиже көрсетті.

– «Шағала» ұшу аппаратынан, жер үсті сегментінен тұрады және соңғы үлгідегі технологиямен жабдықталған жүйе. Бұл қазақстандық әскери ғалымдар толық шығарған алғашқы жоғары технологиялық өнім. Жеке бағдарламалық жасақтамасы – оның басты ерекшелігі болып табылады.

Аппараттың бірнеше қорғаныс деңгейі бар. Бұл біз дайындаған өнім, – деп атап өтті Ұлттық қорғаныс университетінің бастығы генерал-лейтенант Сұлтан Қамалетдинов.

Ұшқышсыз ұшу аппараты бағыт бойынша ұшуда, жердегі объектілерден ақпарат алып, оны операторға жеткізеді. Барлау авиациялық кешенінің ұшу қашықтығы – 30 шақырымды, барынша жылдамдығы – 110 км/сағ, теңіз деңгейінде ең биік ұшуы – 3500 метрді құрайды. Әуеде екі сағат болып, жел секундына 14 метрге дейін күшейген кезде беріктігін сақтайды.

Бұл құрылғы отандық бағдарламалық-аппараттық байланыс арнасымен, сонымен қатар криптографикалық хаттамамен жабдықталған.

«Шағала» ұшқышсыз ұшу құрылғысы техникалық сипаттамасы жағынан шетелдік құрылғылардан кем түспейді, сонымен қоса оның бағасы шетелдік үлгілерден айтарлықтай төмен.

Қорғаныс министрі генерал-лейтенант Нұрлан Ермекбаев сынақты бақылады. Ол «Шағаланың» қазіргі таңда Қазақстанда әскерлердің оқу-жаттығу кезінде пайдаланатын барлау-ату және барлау-соққы беру кешеніне айналатын элементтердің бірі болуы мүмкін екенін атап өтті.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT