Қазақстандық профессор әлемдегі ең беделді ғалымдардың тізіміне енді

2023 жылғы 30 қаңтар, 09:38
Қазақстандық профессор әлемдегі ең беделді ғалымдардың тізіміне енді

АСТАНА. ҚазАқпарат - Ауыл шаруашылығы министрлігі қазақстандық профессордың әлемдегі ең беделді ғалымдардың тізіміне енгенін мәлімдеді, деп хабарлайды ҚазАқпарат.

Жәңгір хан атындағы Батыс Қазақстан Аграрлық-техникалық университетінің профессоры, техника ғылымдарының докторы Сәрсенбек Монтаев «Әлемдегі ең беделді ғалымдардың 2%-ы» (World’s Top 2% Scientists) рейтингіне енген.

Elsevier ғылыми баспасының соңғы мәліметтеріне сәйкес, әлемнің ең үздік ғалымдарын Стэнфорд университетінің сарапшылары құрастырды. Рейтинг негізіне бүкіл библиометриялық мәліметтері: ғалымдардың мансабындағы барлық және өткен жылдағы дәйексөздері алынады.

Сәрсенбек Монтаев қазір университеттің Индустриалды-технологиялық институтын басқарады. Құрылыс материалдарын өндіруде жаңа технологияларды әзірлеуші, сондай-ақ ауыл шаруашылығы мақсатындағы жерлердің топырағының құрылымдық-механикалық қасиеттерін жақсарту жөніндегі жобаның басшысы.

Профессор «Болашақ» бағдарламасы аясында Жапонияда нанотехнология мамандығы бойынша ғылыми тағылымдамадан өткен.


Фото: wkau.kz

Ұқсас жаңалықтар
Теги:
Серіктестер жаңалықтары

Jańalyqtar