Қазақстандық өнімдер Бейжіңдегі қайырымдылық жәрмеңкеде сұранысқа ие болды

БЕЙЖІҢ. ҚазАқпарат – Қытай астанасында «Құстың ұясы» ұлттық стадионына жақын алаңда «Махаббатта шек жоқ» атты 11-ші Халықаралық қайырымдылық жәрмеңкесі өтті, деп хабарлайды «ҚазАқпарат» ХАА-ның Қытайдағы меншікті тілшісі.

Ұқсас жаңалықтар

Қытай нарығы қазақстандық өнімдер үшін толықтай ашық – Елші

Жиналған қаражат Юньнань провинциясының кедей ауылдарында мектеп алаңдарын салуға жұмсалатын болады.

Жәрмеңкенің ашылу салтанатында Қытайдағы Қазақстан Елшілігі «Үздік шығармашылық қойылым» аталымында жүлдеге ие болды. Қытай Халық Республикасының Сыртқы істер министрі Ван И Қазақстан Елшілігінің Қытайдағы істерінің уақытша сенімді өкілі Уәлихан Сәрсембековке естелік мүсінше табыс етті.

Жәрмеңкеге Қытайдағы аккредиттелген 100-ге жуық шетелдік мемлекет пен халықаралық ұйымдардың өкілдіктері қатысты.

Қазақстандық павильонда ұлттық сувенирлер мен қолөнер бұйымдары, елімізде шығарылған сусындар мен тәттілер сатылымға қойылды.

«Махаббатта шек жоқ» жыл сайынғы қайырымдылық жәрмеңкесі 2009 жылдан бері Қытай Сыртқы істер министрінің жұбайының мұрындық болуымен өткізіліп келеді.

Авторы Руслан Сүлейменов