+7 (701) 759 90 19
USD 427.15 EUR 519.12
RUB 5.96 CNY 66.84
Jańalyqtar

Қазақстандық оқушылар халықаралық олимпиадада 4 медаль жеңіп алды

2020 жылғы 31 шілде 11:30
Бөлісіңіз:
Қазақстандық оқушылар халықаралық олимпиадада 4 медаль жеңіп алды

НҰР-СҰЛТАН. ҚазАқпарат - Қазақстандық оқушылар халықаралық IchO 2020 химия олимпиадасында төрт қола медаль жеңіп алды. Бұл туралы ҚазАқпарат «Дарын» орталығына сілтеме жасап хабарлайды.

Халықаралық химия олимпиадасы (IChO 2020) қашықтық форматында өтті. Оған әлемнің 62-ден астам елінен 248 оқушы қатысты. Олимпиадаға Қазақстаннан іріктеу кезеңдерінің жалпы рейтингісінде және Менделеев олимпиадасының нәтижелері бойынша ұлттық құраманың мүшелері болған төрт үміткер қатысты.

Халықаралық химия олимпиадасы - 20 жасқа дейінгілер қатысатын жыл сайын өтетін химия бойынша сайыс. Халықаралық химия олимпиадасына қатысқан жылдар ішінде, дәлірек айтсақ 1999 - 2019 жылдар аралығында Қазақстан Республикасының ұлттық құрамасы 72 марапатқа ие болды: 6 алтын, 27 күміс, 37 қола медаль және 2 құрмет грамотасы.

«Биыл онлайн режимде өткен Халықаралық химия олимпиадасында ұлттық құраманың барлық мүшелері қола медальмен марапатталды. Олар: Қайырбек Қайдар - Павлодардағы химия-биология бағытындағы Назарбаев Зияткерлік мектебінің оқушысы, Мужубаев Әбілмансұр - Нұр-Сұлтан қаласындағы химия-биологиялық бағытындағы «Назарбаев зияткерлік мектебінің» оқушысы, Сейсенқұл Бақдәулет - Нұр-Сұлтан қаласының дарынды жасөспірімдерге арналған «Білім-инновация» мектеп-интернатының оқушысы, Абдугафарова Кибриянур - Алматы қаласындағы Халықаралық «Galaxy» мектебінің оқушысы», - делінген хабарламада.

Қатысушыларға үйден шықпай-ақ IChO 2020-ға қатысып, әлемнің ең үздік жас химиктерінің арасында бақтарын сынап көрудің керемет мүмкіндігі болды.


Біздің каналымызға жазылыңыз:

Бөлісіңіз:

Автор:

Зарина Қаһарман

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанат Қапалбаева
Жанат Қапалбаева
954-059

MURAǴAT