14:34, 27 Шілде 2018 | GMT +6
Қазақстандық ММА шебері қырғыз спортшысымен екінші рет кездеседі
АСТАНА. ҚазАқпарат - Қазақстандық ММА шебері Руслан Серікполов (13-5) NFC 15 турнирінің басты жекпе-жегіне шығады, деп хабарлайды «SPORTINFORM» САА.
4 тамыз күні Ақтауда Руслан Серікполов қырғыз спортшысы Қаныбек Жәнібекуулумен кездеседі.
28 жастағы қазақстандық файтер Руслан Серікпулов аралас жекпе-жектен өтетін турнирлерге 2014 жылғы желтоқсаннан бері қатысып жүр. Осы уақыт аралығында 18 айқастың он үшінде жеңіске жетіп, бесеуінде ұтылған.
Sherdog.com сайтының мәліметіне қарағанда, қырғызстандық Қаныбек Жәнібекуулы спорттық мансабында 5 рет жеңіліп, 4 рет жеңімпаз атанған.
Айта кетсек, алдағы жекпе-жек көрермендер ең қатты асыға күткен айқасқа айналып отыр. Спортшылар бұған дейін мамыр айында өткен NFC 14 шоуында кездескен. Ол кезде төрешілер жеңісті қазақстандыққа берген еді.