Қазақстандық құтқарушылардың екінші тобы Түркиядан 19 ақпан күні қайтады
02:30, 19 Ақпан 2023
АСТАНА. ҚазАқпарат – Республикалық жедел құтқару жасағының жетекшісі Владимир Цой қазақстандық құтқарушылардың екінші тобы Түркиядан 19-шы ақпан күні келетінін мәлім етті, деп хабарлайды ҚазАқпарат.
«Бүгін Алматыға Түркиядан 38 адам келді. Олардың 33-і республикалық жедел құтқару жасағының сарбазы, 5 апаттар медицинасының дәрігері бар. Ертең осы бортпен Астанаға өзге де құтқарушылар келеді. Олардың арасында Қарағанды, Астана және Көкшетаудың құтқарушылары бар»,-деді ол.
Айта кетейік, бүгін, 18 ақпан күні Алматы әуежайына Түркиядан қазақстандық құқарушылардың алғашқы тобы келді.
Айта кетейік, Мемлекет басшысы Қасым-Жомарт Тоқаев М. Ғабдуллин атындағы Азаматтық қорғау академиясында сөйлеген сөзінде құтқарушылардың Түркиядан оралған соң міндетті түрде марапатталатынын айтқан болатын.
Еламан Тұрысбеков