USD 434.34 EUR 491.93
RUB 5.56 CNY 68.67
Jańalyqtar

Қазақстандық кәсіпорындар мыңға жуық дәрі-дәрмек шығарады

2020 жылғы 11 шілде 12:20
Бөлісіңіз:
Қазақстандық кәсіпорындар мыңға жуық дәрі-дәрмек шығарады

НҰР-СҰЛТАН. ҚазАқпарат - Қазақстанда 89 фармацевтикалық кәсіпорын дәрілік заттар және медициналық бұйымдар шығарады. Бұл туралы Орталық коммуникациялар қызметінде өткен дәрілік заттарды, медициналық өнімдерді және өкпені жасанды желдету аппараттарын отандық өндіру туралы брифингіде айтылды, деп хабарлайды ҚазАқпарат тілшісі.

Ұқсас жаңалықтар
Науқас балаларды емдеу үшін Шымкентке қымбат препараттар жеткізілді Қарағанды облысында шалғай ауылдарға мобильді дәріханалар қатынауда

«Мемлекетімізде фармацевтикалық өнеркәсібіндегі 89 кәсіпорын дәрілік заттар және медициналық бұйымдар өндіруді жүзеге асырады. Оның ішінде дәрілік заттарды өндіру бойынша 33, медициналық мақсаттағы бұйымдар 41 және медициналық техника өндірісі бойынша 15 кәсіпорын жұмыс істейді. Бірінші, дәрілік заттар өндірісі бойынша дәрілік заттардың негізгі өндірісі Алматы, Шымкент қаласында және Алматы облысында орналасқан он кәсіпорын, сондай-ақ Қарағанды облысы мен Ақтөбе облысында бір кәсіпорыннан орналасқан. Бұл кәсіпорындар мыңға жуық дәрі-дәрмек шығарады. Олардың ішінде жедел респираторлық ауруларды және олардың асқынуларын емдеуге бағытталған, вирусқа қарсы, қабынуға қарсы дәрілік препараттар мен антибиотиктер бар», - дейді ҚР Индустрия және инфрақұрылымдық даму вице-министрі Аманияз Ержанов.

Оның айтуынша, дене қызуын түсіретін және вирусқа қарсы препараттардың негізгі өндірушілері - «Нобел АФФ» АҚ, Abdi Ibrahim Global Pharm ЖШС.

«Олардың шығаратын дәрі-дәрмектері: палитрамицин. Оның құрамы парацетамол, танфлекс, ривирин препараттары сияқты. «Фарм Ақтөбе» грипповир, жөтелге қарсы сироптарды шығарады. «ВИВА ФАРМ» парацетамол, боксгрипал және басқа дәрілерді шығарады», - дейді ол.


Біздің каналымызға жазылыңыз:

Бөлісіңіз:

Автор:

Зарина Қаһарман

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059

MURAǴAT