Қазақстандық кәсіпқой боксшылардың IBF-тегі рейтингі қандай

НҰР-СҰЛТАН. ҚазАқпарат – Халықаралық бокс федерациясы (IBF) барлық салмақ санаты бойынша жаңартылған рейтингті жариялады, деп хабарлайды ҚазАқпарат ВКонтакте әлеуметтік желісіндегі «Қазақстанның кәсіпқой боксы» парақшасына сілтеме жасап.

Орта салмақта Геннадий Головкин тізімнің үшінші сатысында қалды. Бірінші орын украиналық Сергей Деревянченкоға тиесілі. Бұған дейін хабарлағанымыздай, GGG Деревянченкомен әлем чемпионы атағы үшін жекпе-жек өткізуі ықтимал.

Мейірім Нұрсұлтанов 11-ден 10-ыншы орынға көтерілді.

Жартылай орта салмақ санатында бұған дейін 14-інші позициядан көрініп келген Бақтияр Эюбов ТОП-15-тен шығып қалды.

Нұрсұлтан Жанабаев рангтар туралы табельге 15-інші болып енді. Бұл дивизионда әлем чемпионы атағы Эррол Спенске тиесілі. Ал бірінші орында өзбек боксшысы Кудратилло Абдукахоров тұр.