08:56, 10 Мамыр 2018 | GMT +6
Қазақстандық хоккейшіні АҚШ клубы таңдап алды
АСТАНА. ҚазАқпарат - Қазақстан жасөспірімдер құрамасының форварды Владислав Сайконы АҚШ Хоккей лигасының драфтында Де-Мойн Баккэнирс клубы таңдап алды, деп хабарлайды «SPORTINFORM» САА shaiba.kz-ке сілтеме жасап.
Осы маусымда 17 жастағы хоккейші «Астана» мен «Құлагер» үшін ойнады, Қазақстан чемпионатының 36 матчында 9 (4+5) ұпай жинады. Ригадағы жасөспірімдер чемпионатында 5 кездесудің нәтижесі бойынша 9 (4+5) ұпайға ие болды. Сәтбаевтың «Қазақмыс» тәрбиеленушісі бұған дейін Финляндияда ойнаған.
Еске салайық, АҚШ Хоккей лигасында Астана тәрбиеленушісі Кирилл Панюков өнер көрсетуде.
ҰХЛ драфты - Лиганың кәсіби клубтарына іріктеудің белгілі бір критерийлеріне сай жас хоккейшілерге құқық беретін, Ұлттық хоккей лигасында өтетін жыл сайынғы іс-шара. ҰХЛ драфты жылына бір рет өтеді.