+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Қазақстандық дзюдошы әлемдегі ең үздік он балуанның тізіміне енді

2020 жылғы 30 қазан 08:39
Бөлісіңіз:
Қазақстандық дзюдошы әлемдегі ең үздік он балуанның тізіміне енді

БУДАПЕШТ. ҚазАқпарат – Халықаралық дзюдо федерациясы (IJF) Будапештте (Венгрия) аяқталған «Үлкен дулыға» турнир қорытындысы бойынша жасалған әлем дзюдошыларының жаңа рейтингін жариялады. Жарысқа әлемнің 69 елінен 459 спортшы қатысты, деп хабарлайды ҚазАқпарат ҚР Қорғаныс министрлігінің баспасөз қызметіне сілтеме жасап.

Ұқсас жаңалықтар
Жалғас Жұмағұловтың UFC-дегі екінші жекпе-жегі үшін қанша гонорар төленді Роман Креч конькимен жүгіруден «В» тобында - үздік үштікте Конькимен жүгіруден әлем кубогі: Екатерина Айдова кіші алтын еншіледі

Жарыс қорытындысы бойынша Армия орталық спорт клубының спортшысы ефрейтор Ғұсман Қырғызбаев 60 келіге дейінгі салмақ дәрежесінде әлемдік рейтингтегі үздік дзюдошылардың жетінші сатысында тұр. Оның есебінде 4080 ұпай бар.

«Будапешттегі «Үлкен дулыға» жарысы – коронавирус пандемиясына байланысты ұзақ үзілістен кейінгі алғашқы маңызды турнир. Сайысқа қатысушылар құрамы өте мықты. Әлемнің үздік балуандары қатысты. Осыған қарамастан Ғұсман жоғары нәтиже көрсетті. Бізді алдағы жарыстарға қарқынды дайындық күтіп тұр», – деп атап өтті Армия орталық спорт клубының олимпиадалық спорт түрлері бойынша штаттық командаларды даярлау бөлімінің бастығы майор Әнуар Үсенов.

Ғұсман Қырғызбаев – ҚР Ұлттық құрамасының мүшесі, 2016 жылы Цюрихте (Швейцария) өткен CISM (Халықаралық әскери спорт кеңесі) әскери қызметшілері арасындағы әлем чемпионатының жеңімпазы, 2018 жылы Агадирде (Марокко) өткен Гран-при кезеңінің және 2019 жылы Абу-Дабиде (БАӘ) өткен «Үлкен Дулыға» (Grand-Slam) турнирінің чемпионы, халықаралық турнирлердің бірнеше дүркін жүлдегері.


Біздің каналымызға жазылыңыз:

Бөлісіңіз:
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT