+7 (701) 759 90 19
USD 435.76 EUR 493.41
RUB 5.89 CNY 68.37
Jańalyqtar

Қазақстандық делегация Ыстамбұлда Түркі Кеңесінің туризм бойынша жұмыс тобының отырысына қатысты

2013 жылғы 24 желтоқсан 08:14
Бөлісіңіз:

ЫСТАМБҰЛ. 24 желтоқсан. ҚазАқпарат - Қазақстан Республикасының Индустрия және жаңа технологиялар министрлігінің Туризм индустриясы комитетінің өкілдері Ыстамбұлдағы Түркі Кеңесінің Бас хатшылығы штаб-пәтерінде туризм бойынша жұмыс тобының жиынына қатысты.

Басқосу аясында Түркі Кеңесіне мүше мемлекеттер өкілдері "Жібек жолы" туристік бағытын құру, мемлекеттік қызметкерлердің туризм саласындағы білімін арттыру, 2014 жылы "Бүкіләлемдік көшпенділер ойындары" туристік фестивалін ұйымдастыру, Түркі Кеңесі мемлекеттерінің мәдени мұрасын насихаттау тәрізді мәселелер талқыланды.

Сонымен қатар түркітілдес мемлекеттердің туроператорлары мен турагенттіктерінің өзара ыңтымақтастығын жандандыру қажеттілігі баса айтылды.

Кездесу барысында қазақстандық өкілдер қатысушыларды Қазақстанның туристік әлеуеті, сондай-ақ Астанада өтетін "ЭКСПО-2017" көрмесіне еліміздің дайындығы жөнінде хабардар етті.

Тараптар туризм саласында бірлескен жобаларды өткізу, Түркі Кеңесіне мүше мемлекеттердің турагенттіктері мен туроператорларының ыңтымақтастығын нығайту және дамыту туралы келісім жасасты.

Біздің каналымызға жазылыңыз:

Бөлісіңіз:
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059

MURAǴAT