Қазақстандық делегация Токиода ғарышты игеру жөніндегі форумға қатысуда
Қазақстандық делегация форумның ресми ашылу рәсіміне қатысты.
Форум аясында құрамына «Қазақстан ғарыш сапары» ҰК» АҚ вице-президенті ұшқыш-ғарышкер Айдын Айымбетов, «Ғалам» СП бас директоры Айберген Русланұлы кірген ҚАҒӨ делегациясы Ресей, Украина, БАӘ сияқты елдердің ғарыш ведомстволарының өкілдерімен кездесті.
Делегация басшысы Марат Нұрғожинның айтуынша, қазақстандық мамандар «Ғарыш зерттеулері саласындағы жобалар мен бағдарламаларды жүзеге асыру» сессиясының жұмысына қатысады. Онда ҚР Қорғаныс және аэроғарыш өнеркәсібі вице-министрінің Қазғарыштың бүгінгі жетістіктері мен Қазақстанда ғарыш қызметін жетілдіру перспективаларына арналған баяндамасы ұсынылады.
Сондай-ақ, қазақстандық делегация Жапонияның Аэроғарыштық зерттеулер агенттігі орталығында болады.