Қазақстандық делегация НАТО Парламенттік Ассамблеясының сессиясына қатысуда

АСТАНА. 9 қараша. ҚазАқпарат - Бүгін ҚР Парламенті Сенатының депутаты Мұхтар Алтынбаев Чехияның Прага қаласында өз жұмысын бастаған НАТО Парламенттік Ассамблеясының 58-ші сессиясына қатысуда. Аталған басқосуда халықаралық қауіпсіздік мәселелері талқыланатыны жоспарланады. Бұл туралы Сенаттың баспасөз қызметінен хабарланды.

НАТО ПА сессиясы аясында саясат, қорғаныс пен қауіпсіздік, ғылым мен техника, азаматтық өлшем, қауіпсіздік пен экономика комитеттерінің отырыстары өтеді деп күтілуде.

Шараға НАТО ұйымына мүше 28 мемлекеттен 350 парламентшілер,  сондай-ақ әріптес-елдерден делегаттар қатысуда. Қазақстандық делегацияның құрамына Мәжіліс депутаты Абай Тасболатов та кірген болатын.