Қазақстандық боксшылар «Канело» залында жаттығуға кірісті
«Біздің «Suleimen Promotions» боксшылары Америка Құрама Штаттарындағы Сауль «Канело» Алварестің залында, білікті бапкер Эдди Рейносамен бірге алғашқы жаттығу жұмыстарын бастады», - делінген аталған промоутерлік компанияның Instagram-парақшасында.
«Канело» залында жаттығатын боксшыларымыз арасында Әбілхан Аманқұл, Евгений Павлов, Бек Нұрмағамбетов пен Данила Семенов бар.
Айта кетейік, қазақстандықтар әлемге әйгілі мексикалық боксшымен бұған дейін де бірнеше рет бірлескен дайындық өткізген еді. Сонымен қатар рингке Альварестің спарринг-серіктесі ретінде де шыққан болатын.
Бұған дейін «Suleimen Promotions» компаниясы Сауль Алварестің Қазақстан боксшыларымен тәжірибе бөлісіп жатқан сәтінен видео жариялаған болатын. Сондай-ақ ол барша қазақстандықтарға өз атынан сәлем жолдаған еді.