Қазақстандық боксшы И.Ақбербаевтың келесі жекпе-жегі Гамбургте өтеді

АСТАНА. ҚазАқпарат - Бірінші ауыр салмақтағы қазақстандық боксшы, 31 жастағы Иса Ақбербаев 11 қыркүйек күні Англияның астанасы Лондонда өтуі белгіленген кезекті жекпе-жегінің өткізілмеуіне байланысты жоспардан тыс демалыс алды.

Бұл туралы Қазақстанның кәсіби боксының ВКонтакте әлеуметтік желісіндегі парақшасында хабарланып отыр.

«Боксшының келесі жекпе-жегі 31 қазан күні Гамбургте (Германия) өтеді деп жоспарланған. Матчмейкер Марио Поковитц олар қарсылас ретінде Американың үш салмақ дәрежесіндегі аты аңызға айналған бұрынғы чемпионы кіші Рой Джонсты көргілері келетінін айтып отыр», делінген хабарламада.