Қазақстандық боксшы халықаралық турнирде алтын жеңіп алды
2022 жылғы 4 шілде 19:20

Қазақстандық боксшы халықаралық турнирде алтын жеңіп алды

НҰР-СҰЛТАН. ҚазАқпарат – Қазақстандық боксшы Нұрбек Оралбай Нұр-Сұлтандағы Elorda Cup халықаралық турнирінің финалында өнер көрсетті, деп хабарлайды ҚазАқпарат Sports.kz сайтына сілтеме жасап.

Оралбай 80 келіге дейінгі салмақ дәрежесіндегі ақтық сында қытайлық Туохет Аербекпен жұдырықтасты. Айқаста Оралбай төрешілердің әртүрлі шешімімен 3:2 (28-29, 28-29, 29-28, 29-28, 29-28) жеңіске жетті. Осылайша, Нұрбек Оралбай Elorda Cup турнирінде алтын медаль жеңіп алды.

Нұрбек Оралбай - жастар арасында әлем чемпионы (2018 жыл).

Бұған дейін Елорда кубогында Қазақстан құрамасынан Теміртас Жүсіпов (48 кг дейін), Сәкен Бибосынов (51 кг дейін), Махмұд Сабырхан (54 кг дейін), Серік Теміржанов (57 кг дейін), Саматәлі Төлтаев (60 кг дейін) және Мұхамедсабыр Базарбайұлы (63,5 кг дейін), Абзал Серік (70 кг дейін) және Асланбек Шымбергенов (71 кг дейін) жеңімпаз атанған.



Ұқсас жаңалықтар

Jańalyqtar

Үрдіс

MURAǴAT