Қазақстандық бітімгерлер Қызыл Крест тренингінен өтті
АЛМАТЫ. ҚазАқпарат – Халықаралық әлеуметтік құқық және қарулы қақтығыстар құқығы жөніндегі нұсқаушыларға арналған тренинг Алматы қаласында «Бейбітшілік жолындағы серіктестік» (КАЗЦЕНТ) оқу орталығында өтті, деп хабарлайды ҚазАқпарат ҚР Қорғаныс министрлігінің баспасөз қызметіне сілтеме жасап.
Сабақ Орта Азиядағы Халықаралық Қызыл Крест комитетінің аймақтық өкілдігінің қолдауымен ұйымдастырылды. Тренинг Қазақстан қорғаныс ведомствосы мен халықаралық ұйымның 2019 жылға бекіткен ынтымақтастық жоспарына сәйкес бірлескен шараларының бір бөлігі.
Бұдан басқа, бітімгершілік әлеуетін одан әрі дамыту және қазақстандық әскери қызметшілерді даярлау аясында «Бейбітшілік жолындағы әріптестік» оқу орталығының (ҚАЗЦЕНТ) бастығы, полковник Амангелді Әубәкіров ҚР Сыртқы істер министрінің орынбасары Ержан Әшібаевпен кездесті.
Тараптар орталықтың ағымдағы қызметін талқылады және ынтымақтастықты жалғастыруға, оның ішінде үздік халықаралық тәжірибеге сәйкес БҰҰ миссияларына қатысу үшін Қазақстанның әскери қызметкерлерін даярлауды ұйымдастыруға дайын екенін растады.
- «Аяла» қоры Ақтөбе облыстық балалар ауруханасына екі аппарат сыйлады
- Президент Ливанға әскери медицина қызметкерлерін жөнелту мәселесін пысықтауды тапсырды
- Қорғаныс министрі Президентке Қарулы күштердің құрылысы және дамуы тұжырымдамасын әзірлеу туралы баяндады
- Ұлттық гвардия шенеунігі жанармай ұрлау күдігіне ілінді
-
Алматы өңірінің әуе шабуылына қарсы қорғаныс жүйесіне кенет тексеріс жүргізілді
-
Қазақстанға коронавирусты емдеуде тәжірибесі бар Ресейдің әскери дәрігерлер тобы келді
- Елбасы жолдауы
- Жолдау жүктеген міндеттер
- Қазақстан тарихы
- Әлемдік БАҚ Қазақстан туралы
- Жаңа индустрияландыру
- Болашаққа 100 қадам
