+7 (701) 759 90 19 Лента
USD 386.77 EUR 427.26
RUB 6.00 CNY 54.56
Jańalyqtar

Қазақстандық биатлоншылар допинг қолданбағанын дәлелдеп шықты

2019 жылғы 11 қыркүйек 16:56
Бөлісіңіз:
Қазақстандық биатлоншылар допинг қолданбағанын дәлелдеп шықты

НҰР-СҰЛТАН. ҚазАқпарат - 2019 жылдың 10 қыркүйегінде Халықаралық Биатлоншылар Одағының (IBU) допингке қарсы панелі биатлоннан Қазақстан командасының тоғыз спортшысына тағылған уақытша жарыстан шеттету туралы айыптың күшін жойды, деп хабарлайды Olympic.kz.

Ұқсас жаңалықтар
Мәжіліс допингке қарсы тәртіпті қатаңдату туралы заң жобасын мақұлдады Допинг дауына іліккен спортшылармен психолог жұмыс істей ме

2019 жылдың 24 маусым күні Инсбурк қаласында биатлоннан Қазақстан командасының жарыстан шеттетілген спортшыларына қатысты отырыс өтті. Отырыс IBU Допингке қарсы панелінің бастамасымен өтті. Қазақстандық спортшылар атынан швейцариялық адвокаттар мен Қазақстан Биатлоншылар Одағының бас хатшысы Манас Үсенов сөз алды.

Аталған отырыстың шешімі туралы ақпарат бүгін мәлім болды. Қазақстандық спортшылардан допингке қарсы ережені бұзғаны үшін тағылған айыптар алынып тасталды. Сондай-ақ, олардың IBU ұйымдастыратын халықаралық жарыстардан шеттетілуі туралы шешімнің де күші жойылды.

Айта кетейік, 2018 жылдың 21 қарашасында IBU Қазақстан командасының негізі құрамын, оның ішінде Галина Вишневская, Алина Райкова, Дарья Климина, Ольга Полторанина, Ян Савицкий, Максим Браун, Анна Кистанова, Антон Пантов және Василий Подкорытовты жарыстардан шеттету туралы шешім шығарған болатын. Барлық биатлоншыларға халықаралық және республикалық жарыстарға қатысуға уақытша тыйым салынды.

2019 жылдың 5 наурызы күні Қазақстан Биатлоншылар одағының апелляциясын қанағаттандырған Спорттық арбитражды сот (CAS) Галина Вишневскаяға тағылған айыптың күшін жойып, оның ұлттық құрама сапында сынға түсуіне рұқсат берді.

«Біздің спортшылар жалпы есебі 292 күн бойы жарыстан шеттетілді. Біз Ұлттық Олимпиада Комитеті, Мәдениет және спорт министрлігімен бірлесе отырып, бұл істің оң шешімін табуына атсалыстық. Өйткені, тексеру кезінде біздің биатлоншылардан алынған допинг сынама теріс нәтиже көрсетті. Біздің спортшыларға қолдау көрсеткен баршаңызға рахмет», - дейді Қазақстан Биатлоншылар Одағының Президенті Ермек Қизатов.

Естеріңізге сала кетсек, 2017 жылғы 8 ақпанда допинг қолданды деген күдікпен Австрияның Федералды полициясы Қазақстан құрамасының спортшылары мен жаттықтырушыларының допингке жоспардан тыс сынамаларын алып, іздестірді. Қазақстан құрамасына тиесілі қолданылған дәрі-дәрмектердің қоқыс жәшігінен табылуы допинг дауына себеп болды.

2018 жылдың 23 қарашасында IBU-дан Қазақстан биатлоншылар одағына біздің тоғыз спортшымыздың 2017 жылғы ақпанда допингке қарсы іс-қимылға байланысты барлық жарыстарға қатысудан уақытша шеттетілгені туралы ресми хабарлама келді.

Халықаралық Биатлоншылар Одағы Анти-допингке қарсы комиссиясы - тәуелсіз тергеу жүргізетін және WADA Халықаралық допингке қарсы агенттігімен тікелей байланыста болатын автономды орган. Айта кету керек, IBU мен WADA бұл шешімге Спортттық арбитраж сотына (CAS) шағымдануға тура 21 күн бар.



Біздің каналымызға жазылыңыз:

Басты сөздер: Олимпиада, Спорт,
Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Айдар Оспаналиев
Айдар Оспаналиев
954-059

MURAǴAT