Қолданушы баптаулары
Қолданушы баптаулары
+7 (701) 759 90 19 Лента
Астана: 22 °С
Алматы: 30 °С
USD 336.39 EUR 390.28
RUB 5.36 CNY 52.42
Жаңалықтар

Қазақстандық бақылаушылар Қырғызстандағы сайлауда барынша әділдік танытады

2017 жылғы 13 қазан 14:31 1921
Бөлісіңіз:
Қазақстандық бақылаушылар Қырғызстандағы сайлауда барынша әділдік танытады

АСТАНА. ҚазАқпарат - Қазақстандық бақылаушылар Қырғыз Республикасындағы президенттік сайлауда барынша әділ бақылау жүргізеді. Бұл туралы Орталық сайлау комиссиясының мүшесі Марат Сәрсембаев мәлім етті, деп хабарлайды «ҚазАқпарат» ХАА тілшісі.

Орталық сайлау комиссиясының отырысында Қырғыз Республикасының Президенті Алмазбек Атамбаевтың Қазақстанның Қырғызстандағы сайлауға араласқаны туралы шындыққа сай келмейтін мәлімдемесіне сәйкес, ол елдегі сайлауға бақылау жүргізу жұмысынан бас тарту туралы қаулы шықты.

«Біз ол жаққа аттанған өзіміздің әріптестерімізге барынша әділ болуын айттық. Қай тарапқа болмасын ешқандай баға беруге болмайтынын да. Қалай өтті солай болуы керек. Басқа ешқандай нұсқа болмауы тиіс. Сондықтан, егер халықаралық ұйымдар, нақты бақылаушылар бүкіл процесті Конституцияға және қырғызстандық сайлау заңнамасына сәйкес ойдағыдай өтті деп баға берсе, онда ешқандай мәселе болмауы керек», - дейді Марат Сәрсенбаев.

Оның айтуынша, Қазақстаннан бақылаушы жеке субъект ретінде Қырғызстандағы сайлауға қатыспайтындығына қарамастан, 46 қазақстандық бақылаушы ТМД, ДИАҚБ/ЕҚЫҰ, ШЫҰ, ТМЫҰ миссияларының құрамында, сондай-ақ ТМД, ЕҚЫҰ, түркітілдес мемлекеттердің парламенттік ассамблеяларының тарапынан бақылау жүргізетін болады.

М.Сәрсембаев өз сөзінде Қазақстан тарапына айтылған шындыққа сай келмейтін мәлімдемеге бола Қазақстан мен Қырғызстанның арасы бұзылмайтынына, екі елдің байланысы достық тұрғысында күшейе беретініне сенім білдірді.

 

 


Бөлісіңіз:

Автор:

Аян Бекенұлы

Онлайн қызметкерлер
Редактор
Айдар Оспаналиев
Айдар Оспаналиев
954-059
Мұрағат