+7 (701) 759 90 19
USD 384.63 EUR 427.98
RUB 6.08 CNY 54.68
Jańalyqtar

Қазақстандық аудиторлар АХҚО-да халықаралық дәрежеде білім алады

2019 жылғы 13 тамыз 15:12
Бөлісіңіз:
Қазақстандық аудиторлар АХҚО-да халықаралық дәрежеде білім алады

НҰР-СҰЛТАН. ҚазАқпарат – «Астана» халықаралық қаржы орталығы Бюросында қазақстандық аудиторлар үшін жаңа халықаралық бағдарлама басталады, деп хабарлайды ҚазАқпарат тілшісі.

Ұқсас жаңалықтар
Аудиторлық тексеру 198 млрд теңгенің қаржылық бұзушылықтарын анықтады - Смайылов Қазақстандықтардың қаржы аударымдары тексеріледі ҚР Ұлттық Банк Төрағасы жұмыс сапарымен Вашингтонға барды

Бұл туралы «АХҚО Әкімшілігі» АҚ Басқарма төрағасының орынбасары Ернұр Рысмағамбетов Ішкі аудит мәселелері бойынша алғашқы ұлттық конференцияда хабарлады.

Жаңа жобаны ҚР Қаржы министрлігі, АҚХО Бюросы және CIA (Certified Internal Auditor) халықаралық сертифкаттау тобы бірлесіп ұйымдастырады.

«Әзірге Бюрода қаржы, инвестиция, бухгалтерлік есеп және аудит саласында онға жуық бағдарлама бар. Жаңа 11 бағдарламаның негізгі міндеті - ішкі және сыртқы аудиторларды қайта даярлықтан немесе даярлықтан өткізіп, оларды халықаралық деңгейге шығару. Мұнда біз ересек адамдарды оқытамыз. Сондықтан, олардың санасынан қажетсіз білімдерді шығарып, жаңа білімге әзірлеу қажет», - деді Е. Рысмағамбетов.

Оның айтуынша, бағдарлама күзде басталады және оған дейін оқытушыларды дайындау жоспарланып отыр.

«Ең алдымен жергілікті оқытушыларды әзірлейміз, себебі олардың саны бізде жеткіліксіз. Күзде АХҚО Бюросы сабақ берушілерді даярлайды. Әрі қарай пилоттық режимде Қаржы министрлігімен бірлесіп, кішігірім топ құрамыз. Оның барысы жыл соңына дейін бақыланады. Содан кейін ғана, аудиторларды оқыту басталады», - деді АХҚО өкілі.


Сонымен бірге, Е. Рысмағамбетов Қаржы министрлігінің барлық аудиторларды қайта оқытуды жоспарлап отырғанын жеткізді. Оларды оқыту формасы әлі талқыланып жатыр.

«Шамамен алғанда, ақылы және тегін оқыту формалары болады. Әдетте біздің барлық бағдарламаларымызға білім алушы ақы төлейді және сынақты сәтті тапсырса, оның барлық шығыны қайтарылады. Алдағы бағдарламаға дәл осы тәсілді қолданамыз деп ойлаймын. Дегенмен, ағылшын тіліндегі халықаралық бағдарлама мемлекеттік қана емес, барлық ішкі квазимемлекеттік, жеке бизнес аудиторларына қолжетімді болады», - деді ол.


Ернұр Рысмағамбетов кез келген аудитордың АХҚО Бюросы базасында білім алып, халықаралық білікті ішкі аудитор мәртебесін ала алатынын еске салды.


Біздің каналымызға жазылыңыз:

Басты сөздер: Білім, Экономика, Қаржы,
Бөлісіңіз:

Автор:

Айжан Серікжанқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT