+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

Қазақстандық әнші «Узбекистон» əнін өзбек тілінде орындады

2020 жылғы 23 шілде 16:23
Бөлісіңіз:
Қазақстандық әнші «Узбекистон» əнін өзбек тілінде орындады

НҰР-СҰЛТАН. ҚазАқпарат – Өзбек әншісі қазақ халқын қолдап, «Атамекен» әнін орындаған еді. Соған алғыс ретінде қазақстандық әнші Əлішер Каримов Өзбекстанның халық əртісі Юлдуз Усманованың «Узбекистон» əнін өзбек тілінде орындады. Бұл туралы ҚазАқпарат Мәдениет және спорт министрлігіне сілтеме жасап хабарлайды.

«Қазақстаннан ыстық ықыласпен» Қазіргі қиын кезеңде қазақ халқы ынтымақтастықты нығайтып, əлем халықтарымен мәдени байланыстарды арттыра түсуге бар күшін салады. Бүгінде əлеуметтік желілерде өзбек əншісі Джон Румидің композитор Жанбота Тұяқбаев пен ақын Шөмішбай Сариевтің атақты «Атамекен» әнін орындаған бейнебаяны кеңінен таралып жатыр. Ал кезінде Роза Рымбаеваның орындауында бұл туынды əр қазақтың жүрегінен ойып тұрып орын алғаны белгілі. Осылайша Джон Румидің қазақ халқына арнаған музыкалық тартуы ежелден бауырлас қос мемлекет азаматтары тарапынан жылы лебізге ие болып жатыр. Танымал əншінің ерекше сыйлығын еліміз зор ықыласпен қабыл алды. Осы сыйлыққа жауап ретінде біз дарынды әнші Əлішер Каримовтың Өзбекстанның халық əртісі Юлдуз Усманованың «Узбекистон» əнін өзбек тілінде орындаған бейнебаянын жолдаймыз. Музыкалық өнер арқылы бір-бірімізге қолдау көрсетіп, бірлік таныту қазіргі сындарлы кезеңде өте өзекті. Біз Қазақ елі әрдайым халықаралық мәдени ынтымақтастықты арттыруды мақсат тұтып, бауырлас халықтардың қолдауы арқылы барлық қиындықтарды жеңіп шығатынымызға сенеміз», - делінген министрлік хабарламасында.


Еске салсақ, танымал өзбек әншісі Джон Руми Инстаграм парақшасында COVID-19 індетіне қарсы күресте қазақ халқына қолдау білдіріп, «Атамекен» әнін орындаған еді.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT