Қолданушы баптаулары
Қолданушы баптаулары
+7 (701) 759 90 19 Лента
USD 379.29 EUR 426.40
RUB 5.93 CNY 56.58
Jańalyqtar

Қазақстандық спортшы 10 жылдан кейін Олимпиаданың «алтынын» алды

2018 жылғы 10 желтоқсан 15:56 1390
Бөлісіңіз:
Қазақстандық спортшы 10 жылдан кейін Олимпиаданың «алтынын» алды

АСТАНА. ҚазАқпарат - Халықаралық Олимпиада комитеті қазақстандық үш спортшыға Олимпиада медалін табыс етеді, деп хабарлайды ҚазАқпарат. 

Ұлттық олимпиада комитетінің хабарлауынша, бұл жөнінде ХОК-тан бүгін ресми хабарлама келген.

Атап айтқанда, зілтемірші Алла Важенина мен Анна Нұрмұхамбетова және жеңіл атлет Ольга Рыпаковаға бірнеше жылға созылған тексеруден соң Олимпиада медальдары беріледі.

Халықаралық Олимпиада комитеті мен Спорттық арбитражды соттың тәртіптік комиссиясы 2008 жылы Бейжіңде өткен жазғы Олимпиада ойындарында ауыр атлетикадан 75 келі салмақта бірінші орын иеленген қытайлық Лей Цаоның спорттан шеттетілгенін хабарлайды. Сол себепті Халықаралық ауыр атлетика федерациясының қайта тексеруінен соң қазақстандық Алла Важенина Бейжің Олимпиадасының алтын жүлдегері деп танылды. 

Қазақстандық спортшы 10 жылдан кейін Олимпиаданың «алтынын» алды 

Сонымен қатар, 2008 жылғы Бейжің Олимпиадасында үш қарғып секіруден төртінші орын иеленген Ольга Рыпакова спортшылар допинг-сынамасын қайта тексерген соң Олимпиаданың күміс жүлдегері деп танылды. ХОК пен CAS тәртіптік комиссиясы ресейлік Татьяна Лебедева мен грекиялық Хрисопия Девициді спорттан шеттетті. 

Қазақстандық спортшы 10 жылдан кейін Олимпиаданың «алтынын» алды 

2012 жылғы Лондон Олимпиадасында ауыр атлетикадан 69 келі салмақ дәрежесінде 5-ші орын иеленген қазақстандық Анна Нұрмұхамбетова Олимпиаданың қола жүлдегері деп танылды. Мұндай шешімге тәртіптік комиссия Олимпиада ойындарында тиісінше екінші және үшінші орын иеленген Марина Шкерманкова мен Дина Сазановецті спорттан шеттеткен соң қабылдады. 

Қазақстандық спортшы 10 жылдан кейін Олимпиаданың «алтынын» алды 

Осылайша Алла Важенина 2008 жылғы Олимпиада ойындарының чемпионы, Ольга Рыпакова Бейжің Олимпиадасының күміс жүлдегері және Анна Нұрмұхамбетова Лондон Олимпиадасының қола жүлдегері атанды. 

ХОК медальді табыстау уақыты мен орнын спортшылардың өздері таңдайтынын жеткізді. Айталық, бұдан бұрын Денис Уланов Рио Олимпиадасының қола медалін Ашхабадта өткен әлем чемпионатында алған болатын. 

 

 

Біздің каналымызға жазылыңыз:

Басты сөздер: Спорт, Олимпиада,
Бөлісіңіз:

Автор:

Елжан Ералы

Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059
MURAǴAT