+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Қазақстандық 3 фильм «Алтын глобус» жүлдесіне үміткерлер тізіміне кірді

2019 жылғы 14 қараша 17:05
Бөлісіңіз:
Қазақстандық 3 фильм «Алтын глобус» жүлдесіне үміткерлер тізіміне кірді

НҰР-СҰЛТАН. ҚазАқпарат - «Қазақфильмнің» үш фильмі «Алтын глобус» жүлдесіне үміткерлер тізіміне кірді, деп хабарлайды ҚазАқпарат.

«Алтын глобус» жүлдесін табыстайтын Голливудтың шетел баспасөзі қауымдастығы (HFPA) «Шетелдің үздік фильмі» номинациясына үміткерлердің толық тізімін жариялады.

Бұл тізімге «Қазақфильм» киностудиясының үш бірдей фильмі, атап айтқанда Ермек Тұрсыновтың «Шыракшы», Ақан Сатаевтың «Томирис» тарихи картиналары мен Фархат Шәріповтың «Тұлғалық өсу тренингі» драмасы кірді», - делінген Қазақфильм хабарламасында.

Айта кетсек, осы номинация бойынша үміткерлер тізіміне шетел тілінде түсірілген 65 елден 93 фильм кірген.

Үстіміздегі жылы 9 желтоқсанда «Алтын глобус» жүлдесіне үміткерлердің қысқа тізімі жарияланатын болады.

Келер жылдың басында отандық прокатқа шығатын «Шырақшы» фильмі Екінші дүниежүзілік соғысы кезінде неміс қариядан киноаппарат сыйға алған солдат туралы. Соғыстан соң елге оралған ол қартайған шағына дейін ел аралап, киноаппаратпен ескі фильмдерді көрсетумен айналысады.

Сонымен қатар, «Томирис» тарихи фильмі біздің заманымызға дейінгі VI ғасырда болған оқиғаны суреттейді. Фильмде кішкентай қыздан айбынды жауынгерге айналған, сақ тайпаларын өз билігі астында біріктірген Ұлы Даланың аты аңызға айналған Томирис патшайымының тағдыры баяндалады.

Фархат Шәріповтың «Тұлғалық өсу тренингі» фильмі қырық жастағы орта жас күйзелісін кешіп жүрген, өмірден ештеңе күтпейтін Қанат есімді банк қызметкері туралы баяндайды.

«Алтын глобус» жүлдесінің 77-ші марапаттау салтанаты 2020 жылы қаңтардың 5-нен 6-на қараған түні өтеді.

Біздің каналымызға жазылыңыз:

Басты сөздер: Мәдениет,
Бөлісіңіз:

Автор:

Руслан Ғаббасов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT