+7 (701) 759 90 19
USD 412.55 EUR 454.18
RUB 5.81 CNY 57.66
Jańalyqtar

Қазақстандағы Өзбекстан Елшісі Шавкат Мирзиёевтің жолдауын түсіндірді

2020 жылғы 7 ақпан 15:48
Бөлісіңіз:
Қазақстандағы Өзбекстан Елшісі Шавкат Мирзиёевтің жолдауын түсіндірді

НҰР-СҰЛТАН. ҚазАқпарат - Өзбекстанның Қазақстандағы Төтенше және Өкілетті Елшісі Саидикрам Ниязходжаев ӨР Президенті Шавкат Мирзиёев жолдауының негізгі мазмұнын түсіндірді, деп хабарлайды ҚазАқпарат тілшісі.

«Бұл Президенттің үшінші жолдауы. Ол өткен жылды қорытындылап, 2020 жылғы және алдағы 5 жылдағы ел дамуының басымдықтық бағыттары мен міндеттерін айқындады. Сонымен қатар өзекті мәселелер бойынша заңнамалық бастамалар жасады», - деді Саидикрам Ниязходжаев .

Оның атап өтуінше, 2019 жылдың желтоқсанында Өзбекстанда «Жаңа Өзбекстан - жаңа сайлау» деген ұранмен сайлау өтіп, ол жаңа саяси ахуалды қалыптастырды. Халықаралық стандарттар негізінде ашық әрі жария түрде өткен сайлауға 50-ге жуық ел мен 10 халықаралық ұйымнан 825 байқаушы қатысты. Өзбекстан алғаш рет Еуропадағы қауіпсіздік және ынтымақтастық ұйымының Демократиялық ұйымдар және адам құқығы бюросының толыққанды штабымен тығыз ынтымақтастықта болды. Аталған бюродан сайлауға 316 байқаушы келді.

С. Ниязходжаевтің сөзіне қарағанда, Өзбекстан Президенті Ш. Мирзиёев 2019 жылды қорытындылай келе инвестициялық ағын көлемінің біршама өскенін айтқан. Тікелей шетел инвестициясы 4,2 млрд долларды құраған. Бұл 2018 жылмен салыстырғанда 3,1 млрд долларға немесе 3,7 есеге көп. Өзбекстанның жалпы ішкі өніміндегі инвестиция көлемі 37 пайызға жетіп отыр. Ел алғаш рет халықаралық кредит рейтингіне ие болып, халықаралық қаржы нарығына 1 млрд доллардың облигациясын орналастырды. Өткен жылдың нәтижесінде экономика өсімінің қарқыны 5,6 пайызға жетті. Өнеркәсіп өндірісінің көлемі 6,6 пайызға, экспорт 28 пайызға артты. Өзбекстанның алтын-валюта резерві 2,2 млрд долларға артып, 28,6 млрд долларға жетті.

Өзбекстан Президенті 2020 жылды ғылым, ағарту және цифрлық экономика жылы деп жариялады. Осы ретте Ш. Мирзиёев биыл цифрлық экономика дамуын түбегейлі өзгерту қажеттігін атап өтті. Бірінші кезекте құрылыс, энергетика, ауыл және су шаруашылығы, көлік, геология, кадастр, денсаулық сақтау, білім беру, мұрғат ісі саласын толықтай цифрландыру қажет. Мұнан бөлек, белсенді инвестициялық саясатты мұнан ары жалғастыру керек. 2020 жылы Өзбекстан 23 млрд доллар инвестицияны игеріп, 206 ірі өндірістік нысан құрылысын қолға алуы тиіс.


Біздің каналымызға жазылыңыз:

Басты сөздер: Өзбекстан, Түркі елдері,
Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT