Қазақстандағы ең мейірімді оқу орындары марапатталды
Жоғарғы оқу орындар арасынан Е.А.Букетов атындағы Қарағанды университеті I орын алса, Алматы құрылыс-техникалық колледжі II орын алды.
Ал, С.Сейфуллин атындағы Қазақ агротехникалық университеті III орынды қанағат тұтты.
Мектептер арасында Шығыс Қазақстан облысынан «Белокаменская основная школа» (КГУ) I орынға ие болды.
Жүлделі II орынға Жамбыл облысының № 40 гимназиясы (КГУ) жеңіп алса, Павлодар қаласының №7 мектебі III орынға жайғасты.
Еске сала кетейік, «Қайырымды істер марафоны» жалпыұлттық жобасы Азаматтық бастамаларды қолдау орталығы мен Ақпарат және қоғамдық даму министрлігінің қолдауымен жүзеге асып жатыр.
Жобаның басты мақсаттарының бірі – жақсылыққа жаны құмар адамдарды біріктіру және ұйымдастыру, қоғам мен адамдардың өмірін жақсы жаққа өзгертуге мүмкіндік беретін, жомарттық пен жақсылық идеясына негізделген қоғам құру.