Қазақстанда жылына 600-ге жуық бала қатерлі ісік ауруына шалдығуда
«2013 жылды қорытындылай келе, 583 баланың қатерлі ісік дертіне шалдыққанын анықтадық. Оның ішінде 133 бала - аққан ауруымен сырқаттанса, 450 бала өзге ісік түрлеріне шалдыққан», - деді Педиатрия және балалар хирургиясы ғылыми-тәжірибелік орталығының директоры Риза Боранбаева.
Оның айтуынша, қазіргі таңда Қазақстанда науқас балалардың 5 жылдық өмір сүру ұзақтығының көрсеткіші 75 пайызды құрап отыр.
Ал, көршілес Ресейде бұл көрсеткіш 78 пайызға жеткізілген.
«Қатерлі ісікке шалдыққан балалардың ішінде 1 жасқа дейінгі балалар - 7 пайызды, 3-10, 10-15 жасқа дейінгі балалар - 20 пайызды, 15 жастан жоғары балалар 31пайызды құрап отыр», - деп қорытындылады ол.
Мамандардың айтуынша, балалар онкологиясы бойынша аққан ауруы (34 пайыз) көш бастап отыр. Одан кейінгі кезекте орталық жүйке жүйесінің ісігі (17 пайыз) менлимфома ісігі жиі кездесіп отыр.