Қолданушы баптаулары
Қолданушы баптаулары
+7 (701) 759 90 19 Лента
USD 383.01 EUR 430.12
RUB 6.10 CNY 55.70
Jańalyqtar

Қазақстанда жылына 35 мыңнан астам адам қатерлі ісікке шалдығады

2019 жылғы 24 маусым 18:33 459
Бөлісіңіз:
Қазақстанда жылына 35 мыңнан астам адам қатерлі ісікке шалдығады

АЛМАТЫ. ҚазАқпарат - Елімізде онкологиялық  дертке жылына 35 мыңнан астам адам шалдығады. Оның 15 мыңға жуығы қайтыс болады. Есепте  189 мың науқас тұр. Бұл туралы медицина ғылымдарының докторы, Қазақ онкология және радиология ғылыми-зерттеу институтының директоры Диляра Қайдарова  «Ядролық ғылым және технологиялар» атты ғылыми форумы барысында  айтты, деп хабарлайды ҚазАқпарат.

«Біз күн сайын 25 науқасты анықтаймыз. Негізінде қазір өкпе рагы, сүт безі обыры, ішек, асқазан дерттері. Енді жатыр мойны обыры, сүт безі қатерлі ісігін анықтайтын скрининг өткізіп жатырмыз», - дейді Диляра Қайдарова.

Оның айтуынша, қазір ядролық медицина мәселесі өзекті болып тұр,өйткені ол ісіктің ерте кезеңіне диагноз қоюға көмектеседі.

«Бізге келетін науқастардың 85% -ы  аурудың 2, 3 немесе  4-сатыларында көмекке жүгінеді. Барлық адамдар  диагностикадан өтіп тұру керек. Қатерлі ісіктің бастапқы  сатысын емдеуге, ауруды түбегейлі  жеңуге мүмкіндік бар», - деп атап өтті Диляра Қайдарова.

Бұл  дертке көбіне   50 жастан асқан адамдар шалдығады. Алайда, соңғы жылдары жастар арасында да жиі кездесетін болды.

«Үнемі тексеріліп отыру керек. Қазір еліміз бойынша ай сайын скринингтер өткізіледі.. Онкологиялық ауру бірден шықпайды. Ол  метастаза кеткенде ғана білінеді.  0-1 кезеңде рак ауруы 100%, екіншісінде - 85%, 3-4 сатыда өмір сүру деңгейі 40-50% болады».

Қазақстанда жылына 35 мыңнан астам адам қатерлі ісікке шалдығады 

Сонымен қатар, Диляра Қайдарова емделушілерге  барлық емханалардан тегін диагностика жасатуға  болатындығын еске салды.

«Онкологиялық қызмет ядролық технологиясыз жұмыс істей алмайды. Ядролық технологияны қолдану тәсілдері онкологиялық ауруларды диагностикалау мен емдеуге енгізілуде. Бұл негізінен ісік диагностикасын, қатерлі ісік диагнозын анықтайтын және жарты сантиметрге дейінгі метастаздардың бар-жоғын анықтауға арналған PET әдісі болып табылады. Осы  медициналық жабдыққа қазір мемлекеттен қаржы бөлінді. Мұндай (ПЭТ)  құрылғылары  әзірге Нұр-Сұлтан мен  Алматыдағы  онкология институтында бар», - деп түсіндірді ол.

Қазақстанда жылына 35 мыңнан астам адам қатерлі ісікке шалдығады 

Айта кетсек, Диляра Кайдарова «Ядролық ғылым  және технологиялар»  халықаралық ғылыми форумы аясында  өтіп жатқан  «Медицина, өнеркәсіп және ауыл шаруашылығы саласындағы ядролық және радиациялық технологиялар» атты ғылыми-практикалық конференцияда сөз сөйледі.

Автор: Алма Мұқанова

 

 

Біздің каналымызға жазылыңыз:

Басты сөздер: Медицина, Алматы,
Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT