+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Қазақстанда жылына 150 адамның жүрегін ауыстыру қажет - Юрий Пя

2021 жылғы 22 қазан 14:45
Бөлісіңіз:
Қазақстанда жылына 150 адамның жүрегін ауыстыру қажет - Юрий Пя

НҰР-СҰЛТАН. ҚазАқпарат – Елімізде жыл сайын 150 адамның жүрегін трансплантациялау қажет. Бұл туралы ҚР Ұлттық ғылыми кардиохирургия орталығының басқарма төрағасы Юрий Пя мәлім етті, деп хабарлайды ҚазАқпарат тілшісі.

Ұқсас жаңалықтар
Алматыда ЖРВИ мен тұмау өршіп тұр Алматы облысында 811 науқас коронавирустан емделіп жатыр СҚО-да инфекциялық стационарларда КВИ жұқтырған 504 сырқат ем алып жатыр

«Мен дәрігермін, сондықтан еліміздегі жүрек донорлығы жағдайына қатысты түсініктеме бергенім жөн де емес шығар. Дегенмен мәселе бар. Жыл сайынғы біз жасайтын отаның саны мен оған донор табу бойынша айтар болсам, жағдай күрделі. Донор табу қиын. Әрине, донор болу ол адамның еркімен жүзеге асатын дүние. Сондықтан да бұл жағдайға қатысты біреуді кінәлауға болмайды. Оның үстіне біздің халықтың менталитеті басқа, мысалы дамыған елдерде донор болу қалыпты жағдай және ол жолға қойылған. Тағы бір мәселе елімізде донорлыққа қатысты ақпараттандыру жағы аздық етеді. Яғни қарапайым халықтың көп жайттан хабары болмай жатады. Айталық, адам кездейсоқ жайттан қайтыс болды, оның жақындары мүрдені донорлыққа бергісі келмейді. Ал оның жүрегі немесе басқа дене мүшесі мына жақта біреуге ауадай қажет болып жатады», - деді Юрий Пя.

Оның айтуынша, елімізде донор болу қайырымдылық ісіне мемлекетпен қатар қоғам да белсенділік таныту керек.

«Жүрек донорлығы батыс елдерінде жақсы дамыған. Мысалы, 10 млн ғана халқы бар Чехияда жылына 120-дан астам жүрек ауыстыру отасы жасалады. Ал біздің орталықта 9 жылдың ішінде 84 жүректі трансплантациялау отасы жасалды. Одан әрі өзіңіз бағамдай беріңіз. Оның үстіне біздің мекеме еліміз бойынша жалғыз орталық. Қазақстанда жыл сайын 150 адамға жүрек трансплантанциясы қажет», - дейді ол.

Бұған дейін хабарлағанымыздай, бүгін елордада жүрек донорларының құрметіне арналып арт-нысан ашылды.

https://www.inform.kz/kz/nur-sultanda-zhurek-donorlarynyn-kurmetine-art-nysan-ashyldy_a3852347


Біздің каналымызға жазылыңыз:

Бөлісіңіз:

Автор:

Әли Ибраев

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059

MURAǴAT