+7 (701) 759 90 19
USD 423.95 EUR 495.81
RUB 5.84 CNY 65.6
Jańalyqtar

Қазақстанда жыл сайын мыңға жуық ата-ана бала тәрбиелеу құқығынан айырылады

2020 жылғы 1 маусым 12:31
Бөлісіңіз:
Қазақстанда жыл сайын мыңға жуық ата-ана бала тәрбиелеу құқығынан айырылады

НҰР-СҰЛТАН. ҚазАқпарат - Жыл сайын Қазақстанда балаларына дұрыс қарамаған мыңға жуық адам ата-аналық құқығынан айырылады.

Ұқсас жаңалықтар
Энергетика саласындағы республикалық жобаларды іске асыру қарқыны қандай Бейбіт Атамқұлов жыл соңына дейін тапсырылатын жобаларды атады Президенттің өңдеуші өнеркәсіпке қатысты тапсырмалары сапалы орындалуы тиіс – Мамин

Бұл туралы ҚР ІІМ Ювеналдық полиция және әйелдерді зорлық-зомбылықтан қорғау басқармасының басшысы Әсет Оспанов мәлім етті, деп хабарлайды ҚазАқпарат тілшісі.

Ата-ана құқығынан айыру ұзақ процесс екенін тоқталған ол, «Оның басты себебіне тоқталсақ, баланың ата-анасы ішімдікке салынып, бала тәрбиесімен айналыспайды. Ата-ана құқығынан айыру туралы мәселені көтермес бұрын бұл отбасылар тиісті мерзімде полиция органдарында есепте тұрады. Осы орайда профилактикалық шаралар жүргізіледі», - деді.

Ең алдымен, өз міндетін дұрыс атқармай жүрген ата-аналар есепке қойылады. Сол отбасымен профилактикалық жұмыс істеп, тұрғылықты үй-жайы тексеріледі. Тиісті жұмыстардан соң олармен жеке әңгіме жүргізіліп, ата-аналарға нұсқаулық беріледі.

«Өкінішке қарай, жыл сайын осы себептердің салдарынан елімізде мыңға жуық отбасы ата-құқығынан айырылады», - деп нақтылады Ә. Оспанов.

Өз кезегінде ҚР БҒМ Балалардың құқықтарын қорғау комитеті төрағасының міндетін атқарушы Дулат Жекебаев ата-аналарды жұмыспен қамту, ем-дом қабылдауға жіберу мүмкіндіктері ескерілетінін атап өтті.

«Алайда баланың қауіпсіздігіне қатер туса, сот арқылы ата-аналық құқығынан айыру мәжбүрлі қадамына барамыз. Кейіннен бұл ата-аналар жағдайды түзету мүмкіндігіне ие. Емделіп, жұмысқа тұрса әрі тұрғылықты баспанасын жақсартса, онда мемлекет комиссиялық тәртіпте ата-ана құқығын қайтаруды қарастыруға дайын екенін атап өткен жөн», - деді Д. Жекебаев.


Біздің каналымызға жазылыңыз:

Бөлісіңіз:

Автор:

Руслан Ғаббасов

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT