Қазақстанда жеңіл автокөліктер саны 5 млн. 755,2 мың бірлікті құрады

АСТАНА. ҚазАқпарат - 2016 жылғы қаңтар-ақпанда Қазақстан Республикасында 106 570 жеңіл автомобиль тіркелді. Бұл өткен жылғы тиісті кезеңмен салыстырғанда 11,6 пайызға кем.

ҚР Ұлттық экономика министрлігі Статистика комитетінің мәліметіне қарағанда, Қазақстан Руспубликасында 2016 жылғы 1 наурыздағы жағдай бойынша жеңіл автокөліктердің барлық саны 5 755,2 мың бірлікті құрады. Соның ішінде тіркеуден шығарылғандар саны - 1 899,6 мың бірлік, тіркелгендер - 3 855,6 мың бірлік болып отыр.

Келтірілген ақпаратқа қарағанда, 2016 жылдың қаңтар-ақпанында Қазақстан бойынша 106 570 жеңіл автокөлік тіркелген. Оның ішінде жеке тұлғаларға тіркелгені 102 156, ал заңды тұлғалармен - 4 414 бірлікті құрады.

Сонымен қатар, есепті кезеңде республика бойынша ең көп автокөлік тіркелген Оңтүстік Қазақстан облысы - 16 427 бірлік, одан кейінгі орында Алматы қаласы - 15 196 бірлік және Алматы облысы - 12 631 бірлікті құрап отыр. Осы кезеңде Астана қаласында тіркелген автокөлік саны 8 452 бірлікті құрады.