13:59, 08 Желтоқсан 2021 | GMT +6
Қазақстанда жаңа ұлттық парк құрылды
НҰР-СҰЛТАН. ҚазАқпарат - Қазақстанда жаңа ұлттық парк құрылды. Бұл туралы ҚР Экология министрі Серікқали Брекешев Twitter-дегі парақшасында жазды, деп хабарлайды ҚазАқпарат.
Ведомство сайтының хабарлауынша, 7 желтоқсан күні ҚР Үкіметінің № 867 қаулысына сәйкес Қазақстанда «Ұлытау» ұлттық паркі құрылған.
«Ұлытау» ұлттық паркі ҚР Президентінің тапсырмасы аясында құрылып отыр.
Парк Қарағанды өңірінде орналасатын болады, оның аумағы 58,9 мың гектарды құрайды.
Парктің мақсаты – ерекше экологиялық әрі ғылыми құндылыққа ие мемлекеттік табиғи кешендердегі биологиялық және ландшафтық саналуандықты сақтау және қорғау», делінген хабарламада.
«Ұлытау» ұлттық паркі – Қазақстандағы 14-ші мемлекеттік табиғи парк.