+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Қазақстанда ветеринариялық паспорт электрондық форматқа ауыстырылады

2020 жылғы 24 қараша 12:45
Бөлісіңіз:
Қазақстанда ветеринариялық паспорт электрондық форматқа ауыстырылады

НҰР-СҰЛТАН. ҚазАқпарат – Мәжілістің жалпы отырысында «Қазақстан Республикасының кейбір заңнамалық актілеріне ветеринария мәселелері бойынша өзгерістер мен толықтырулар енгізу туралы» заң жобасы бірінші оқылымда мақұлданды, деп хабарлайды ҚазАқпарат тілшісі.

Мәжіліс депутаты Роман Кимнің айтуынша, заң жобасымен 2 заңнамалық актіге: «Қазақстан Республикасындағы кедендік реттеу туралы» кодекске және «Ветеринария туралы» заңға өзгерістер мен толықтырулар енгізіліп отыр.

Заң жобасының негізгі мақсаты - Қазақстан Республикасының ветеринария саласындағы заңнамасын одан әрі жетілдіру.

Атап айтқанда, заң жобасымен ветеринариялық паспортты электрондық форматта беру бойынша мемлекеттік қызмет көрсету мүмкіндігі іске асырылып отыр. Көрсетілетін қызметті автоматтандыру, бұрын қағаз форматта дайындауға жіберілетін бюджет қаражатын үнемдеуге мүмкіндік береді, адами фактордың әсерін жояды, осы құжатты беруді жеңілдетеді және алуды тездетеді.

Сонымен қатар, сыбайлас жемқорлық құқық бұзушылықтарды жасаудың алғышарттарын барынша азайту мақсатында заң жобасында мемлекеттік ветеринариялық-санитариялық инспекторларға мемлекеттік ветеринариялық-санитариялық бақылау және қадағалау жүргізу кезінде фото- және бейнетүсірілімді жүзеге асыруға, сондай-ақ техникалық құралдарды пайдалануға құқық беру ұсынылуда.


Біздің каналымызға жазылыңыз:

Бөлісіңіз:

Автор:

Руслан Ғаббасов

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT