Қазақстанда валюта айырбастау пунктерінің жұмысы тоқтатылды
«Мемлекет басшысының қаржы жүйесінің тұрақтылығын қамтамасыз ету бойынша тапсырмасын орындау мақсатында Қазақстанның Ұлттық банкі келесіні хабарлайды: интернеттің тұрақсыз жұмысына және Алматыда мен өзге өңірлерде контртеррористік операциялардың жалғасуына байланысты банк жүйесінің жұмысын қалпына келтіру банк сервистерінің халық және бизнес үшін қажеттілігі мен әлеуметтік маңызына қарай кезең-кезеңімен іске асырылады.
Алматы қаласында және өзге өңірлерде ахуалдың тұрақталуына, сондай-ақ байланыс арналарының қалпына келуіне қарай Қазақстан қор биржасының валюта алаңында сауда-саттықты жандандыру және халықаралық төлемдер мен аударымдарды іске асыруды қалпына келтіру бойынша шаралар қабылданатын болады.
Осыған орай, екінші деңгейлі банктердің және уәкілетті ұйымдардың айырбастау пунктерінің қызметі айырбастау пунктерінің, сондай-ақ олардың қызметкерлері мен клиенттерінің қауіпсіздігі мен амандығы үшін уақытша тоқтатылды», - делінген ҚР Ұлттық банк хабарламасында.