Қолданушы баптаулары
Қолданушы баптаулары
+7 (701) 759 90 19 Лента
USD 378.93 EUR 423.00
RUB 5.87 CNY 54.82
Jańalyqtar

Қазақстанда үш бағыттағы әлеуметтік жобаларға байқау жарияланды

2019 жылғы 17 мамыр 18:09 303
Бөлісіңіз:
Қазақстанда үш бағыттағы әлеуметтік жобаларға байқау жарияланды

НҰР-СҰЛТАН. ҚазАқпарат - ҚР Ақпарат және қоғамдық даму министрлігі, «Атамекен» ҚР Ұлттық кәсіпкерлер палатасы және «Азаматтық бастамаларды қолдау орталығы» КЕАҚ «ASAR» үшжақты ынтымақтастық ІІІ Республикалық форумы шеңберіндегі әлеуметтік жобалар сайысын жариялайды.

Ұйымдастырушылардың мәліметінше, байқауға жергілікті қауымдастықты дамытуға, жергілікті мәселелерді шешуге тұрғындардың әлеуетін тартуға және осы аймақтардағы өмір деңгейін көтеруге бағытталған жобалар қатыстырылады.

Платформа үш бағыт бойынша жүзеге асырылады. Олар: ЕСО-ASAR (қоршаған ортаны қорғау бойынша мәселелерді шешуге, халықты экологиялық мәдениетке баулуға және өсіп келе жатқан буынның экологиялық мәселелер жайында білім деңгейін көтеруге бағытталған жобалар), IT-ASAR (сандық жүйеге көшіру арқылы жергілікті қауымдастың мәселелерін шешуге бағытталған жобалар),  INCLUSIVE-ASAR (инклюзивті қоғамды дамытуға бағытталған жобалар).

«Платформаға қатысу үшін 24 мамырға (Нұр-Сұлтан уақытымен сағат 18.00-ге дейін) дейін asar@cisc.kz электрондық поштасына өтінім жіберу қажет.

Өтінім көрсетілген нысанға сәйкес толтырылады және өтінімге міндетті түрде слайд (10 бетке дейін), бейнеролик (ұзақтығы 3 минутқа дейін), инфографика (5 данаға дейін) түріндегі презентациялық материал тіркелуі тиіс», делінген хабарламада.

Барлық өтінім жиналғаннан кейін Азаматтық бастамаларды қолдау орталығының онлайн алаңында ашық жарияланымда болады және кәсіпкерлерге таратылады.

Барлық сұрақтарға қатысты мағлұмат Азаматтық бастамалар орталығының телефоны арқылы беріледі: 8 (7172) 22 11 32 mukhameganova@cisc.kz.

Платформаға қатысу бойынша толығырақ ақпарат Әлеуметтік жобалар платформасының ережесінде көрсетілген. 

Біздің каналымызға жазылыңыз:

Бөлісіңіз:
Загрузка...
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059
MURAǴAT