+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

Қазақстанда тұрғындар саны 10-ға жетпейтін 45 ауыл бар

2021 жылғы 13 қазан 12:51
Бөлісіңіз:
Қазақстанда тұрғындар саны 10-ға жетпейтін 45 ауыл бар

НҰР-СҰЛТАН. ҚазАқпарат – Қазақстанда тұрғындарының саны 10-ға жетпейтін 45 ауыл бар. Орталық коммуникациялар қызметінде өткен брифингіде ҚР Индустрия және инфрақұрылымдық даму министрлігі Құрылыс және тұрғын үй-коммуналдық шаруашылық істері комитеті төрағасының орынбасары Бейбіт Шаханов осындай мәлімет берді, деп хабарлайды ҚазАқпарат тілшісі.

Ұқсас жаңалықтар
Алматы облысының Сарқан қаласында халық сусыз отыр Қарағанды облысында қала тұрғындарының 98 пайызы орталық сумен қамтылған

«Ел бойынша барлығы 6 316 ауыл бар. Оның ішінде халық саны 50 адамнан кем – 348 ауыл (10,1 мың адам) және 10 адамнан кем – 45 ауыл (253 адам) бар. Оның ішінде 3 991 ауыл орталық сумен қамтылған, 403 ауылда кешенді блок-модульдер орнатылған.

Ауызсумен қамтылмаған 1 922 ауылдың 793-інде орталықтандырылған сумен жабдықтау жүйелерін салу жұмыстарын жалғастыру жоспарланып отыр», - деді комитет басшысының орынбасары.

Оның мәліметі бойынша, тұрғын саны 200-ге жетпейтін ауылдарға кешенді блок-модульдер орнатылмақ.

«Қаражатты тиімді пайдалану үшін халық саны 200-ден кем 1 129 ұсақ ауылда кешенді блок-модульдер орнатылады. Кешенді блок-модульдердің бағасы, орнату және пайдалану жолдары жеңіл. Қажет болған жағдайда ауылдан ауылға тасымалдау мүмкіндігі бар.

Биыл жергілікті атқарушы органдардың жедел ақпаратына сәйкес 368 ауылды қамту жоспарлануда. Оның ішінде 148 ауылда орталық сумен жабдықтау және 220 ауылда жергілікті бюджет қаражаты есебінен кешенді блок-модульдер орнату жоспарлануда», - деді Бейбіт Шаханов.


Біздің каналымызға жазылыңыз:

Бөлісіңіз:

Автор:

Есімжан Нақтыбай

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059

MURAǴAT