+7 (701) 759 90 19
USD 426.14 EUR 497.05
RUB 6.02 CNY 66.69
Jańalyqtar

Қазақстанда тұрғын үй сапасын тексеретін зертхана іске қосылуы мүмкін

2021 жылғы 3 тамыз 18:42
Бөлісіңіз:
Қазақстанда тұрғын үй сапасын тексеретін зертхана іске қосылуы мүмкін

НҰР-СҰЛТАН. ҚазАқпарат – Қазақстанда жаңадан салынатын тұрғын үйлер мемлекеттік зертханадан өтуі мүмкін. Құрылыс саласындағы жаңалық туралы ҚР Индустрия және инфрақұрылымдық даму министрлігінің бірінші вице-министрі Қайырбек Өскенбаев айтып берді, деп хабарлайды ҚазАқпарат тілшісі.

«Құрылыс саласында қазақстандықтарды жиі мазалайтын сұрақтардың бірі тұрғын үй сапасы. Өздеріңіз білетіндей, біздің министрлік жол сапасын жақсарту мақсатында арнайы зертхана құрды және ол өз нәтижесін беріп жатыр. Сол тәжірибеге сүйене отырып, тұрғын үй құрылысы сапасын қадағалайтын зертхана құру жоспары бар. Осы мақсатта қазіргі таңда заңнамаға толықтырулар мен өзгерістер енгізу мәселесі қаралып жатыр. Яғни Үкіметке өз ұсынысымызды білдіретін боламыз. Тұрғын үй құрылысы сапасын арттыруда зертхана қажет-ақ. Өйткені, зертхана көрсеткен қорытындыға қарап үйдің қаншалықты сапалы салынғанын білуге болады. Және зертхана жұмысы жобаның басынан бастап, тұрғын үйді пайдалануға бергенше жүргізіледі», - деді Қ. Өскенбаев баспасөз мәслихатында.

Вице-министрдің сөзіне сенсек, құрылыс саласын цифрландыру мен автоматтандырудағы басты мақсат – сапа пен тұтынушының сенімін арттыру.

«Әрине құрылыстың сапасына оны салған компания тікелей жауапты. Дегенмен мемлекеттік бақылаудың орны бөлек және ол заңнмен реттелуі тиіс. Сапалы тұрғын үйдің санын арттыруда зертхана біраз мәселені ашып көрсетеді», - дейді ол.

Бұған дейін министрдің бірінші орынбасары елімізде тұрғын үй құрылысы барысын бақылайтын ахуалдық орталықтың құрылғанын айтты.


Біздің каналымызға жазылыңыз:

Бөлісіңіз:

Автор:

Әли Ибраев

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT