+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

Қазақстанда туберкулезбен ауыратын әр науқасқа жылына 2 млн. теңгеге жуық ақша бөлінеді

2014 жылғы 20 наурыз 11:55
Бөлісіңіз:
Қазақстанда туберкулезбен ауыратын әр науқасқа жылына 2 млн. теңгеге жуық ақша бөлінеді

АЛМАТЫ. ҚазАқпарат - Қазақстанда соңғы 10 жылда туберкулезге шалдығу көрсеткіші 52,4 пайызға, өлім көрсеткіші 72,8 пайызға төмендеді. Бұл туралы бүгін Алматыда Туберкулез проблемаларының ұлттық орталығында дүниежүзілік туберкулезге қарсы күрес күніне арналған конференция барысында аталған орталықтың директоры Тілеухан Әбілдаев мәлімдеді.

Оның айтуынша, дертке қарсы тойтарыс беруде негізгі рөлді мемлекеттің қаржылық саясаты үлкен рөл ойнап отыр.
Конференция барысында мәлім болғандай, елімізде жылына әр науқасқа 1,9 млн теңге бөлінеді екен. Бұл шығынға дәрінің құны, төсек орны, коммуналды төлем, тамақтану медицина қызметкерлерінің жалақысы кіреді.
«Соңғы 10 жылда туберкулезге қарсы іс-шараларды барлық денсаулық сақтау құрылымдарының бірлесе кешенді жүргізуінің арқасында елімізде сырқаттану көрсеткіші 52,4 пайызға, өлім көрсеткіші 72,8 пайызға төмендегені байқалып отыр», - деді Тілеухан Әбілдаев.
«Президент пен Үкіметтің қолдауымен туберкулезге қарсы шараларды қаржыландыру көлемі жыл сайын артуда. Айталық, 2013 жылы туберкулезге қарсы бюджет көлемі 35472,2 теңге болса, 2012 жылы 34569,4 млн теңгені құраған. Соңғы үш жылда бюджет көлемі 12 пайызға өсті», - деді ол.
Ұйымдастырушылардың айтуынша, бүгінгі өткізілген конференцияның мақсаты дертке қарсы бағдарламаны жүзеге асыруда туберкулезге қарсы ұйымдар мен бастапқы медико-санитарлық көмек мекемелері, үкіметтік емес ұйымдар, халықаралық ұйымдарды біріктіру болып табылады. Шараға халықаралық ұйымдардың өкілдері, USAID Орталық Азия аймақтық өкілдігінің директоры Джонатан Адельтон қатысты.

Біздің каналымызға жазылыңыз:

Бөлісіңіз:

Автор:

Гүлмира Ғосманәли

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT