Қазақстанда төрт айда 25,3 млн тонна мұнай өндірілді

НҰР-СҰЛТАН. ҚазАқпарат - Қазақстанда мұнай өндірісі 2019 жылғы қаңтар-сәуір аралығында 25,349 млн тоннаны құрады. Бұл 2018 жылдың осындай кезеңімен салыстырғанда 0,2 пайызға аз, деп хабарлайды ҚазАқпарат.

ҚР Ұлттық экономика министрлігі Статистика комитетінің ақпаратына сәйкес, аталған кезеңде 4,208 млн тонна (былтырғыдан 5,7 пайыз аз) - газ конденсаты, 18,817 млрд текше метр (+0,4%) - табиғи газ, 38,22 млн тонна (-1%) көмір өндірілген.

Сондай-ақ, темір рудалары - 12,823 млн тонна (-4,6%), жез рудалары - 36,829 млн тонна (+13%), құрамында алтыны бар рудалар - 7,407 млн тонна (+26,4%), хром қоспасы 1,642  млн тонна (+13,8%) көлемінде өндірілді.

Автор:

Асхат Ахметбеков