Қазақстанда төлем карточкаларының саны 30 миллионнан асты
Соңғы жылдары айналыстағы төлем карточкаларының саны және тиісінше қолма-қол ақшасыз операциялар көлемі жоғары қарқынмен өсуде. 2019 жылғы 1 қазандағы жағдай бойынша, эмиссияланған және таратылған төлем карточкаларының саны - 30,6 млн болды, бұл 2019 жылғы осы кезеңдегі көрсеткіштен 43%-ға артық.
«2019 жылғы 9 айда өткен жылдың осындай кезеңімен салыстырғанда төлем карточкаларын пайдалана отырып қолма-қол ақшасыз төлем және ақша аударымдарының жалпы көлемі екі еседен аса ұлғайып, 8,9 трлн теңгені құрады», - деп хабарлады Төлем жүйелері департаментінің директоры Ерлан Ашықбеков.
Қолма-қол ақшасыз транзакциялардың негізгі үлесі банктердің онлайн сервистері арқылы жүргізілді. Бүгінгі күні онлайн сервистерде 18 млн жуық пайдаланушы тіркелді, оның ішінде 34%-ы операцияларды тұрақты түрде жүргізеді.
Күн сайын онлайн сервистер арқылы 21 млрд теңгеден астам сомаға 1,3 млн астам операция жүргізіледі.