USD 434.48 EUR 492.61
RUB 5.68 CNY 68.44
Jańalyqtar

Қазақстанда темір жолдан белгіленбеген жерден өткені үшін 23 мыңнан астам адам жауапкершілікке тартылды

2021 жылғы 24 қараша 15:21
Бөлісіңіз:
Қазақстанда темір жолдан белгіленбеген жерден өткені үшін 23 мыңнан астам адам жауапкершілікке тартылды

НҰР-СҰЛТАН. ҚазАқпарат – Қазақстанда темір жолдан белгіленбеген жерден өткені үшін 23 мыңнан астам адам әкімшілік жауапкершілікке тартылды, деп хабарлайды ҚазАқпарат тілшісі.

Ұқсас жаңалықтар
Australian Open: Анна Данилина жарысты сәтті бастады Мейірім Нұрсұлтановтың ең үлкен жекпе-жегінің датасы ауысты Ерсұлтан Бектұрғанов: Халқына адал қызмет еткен – кемеңгер тұлға

ҚР ІІМ Көліктегі полиция департаментінің баспасөз қызметі мәлім еткеніндей, биылғы он айда темір жолда жарақат алудың 98 дерегі тіркеліп, 66 адам қаза тапты. Соның алтауы – балалар.

Көліктегі полиция департаменті әкімшілік полиция басқармасының бөлім бастығы Қайрат Ақмұрзаевтың айтуынша, пойыздардың адамды қағып кетуі, әсіресе, Алматы (14 дерек), Орал (13), Шымкент (11) және Қарағанды-Сортировочная стансаларында жиі тіркеліп отыр.

Оның сөзіне қарағанда, жазатайы оқиғалардың басты себебі – темір жолдан белгіленбеген жерден өту, қауіпсіздік ережесін сақтамау.

«Адамдар темір жолдан белгіленбеген жерден өткен кезде өзінің өміріне қауіп төндіріп қана қоймай, пойыз қозғалысына да кедергі келтіреді. Машинистер пойызды шұғыл тоқтатып, соның салдарынан вагондар рельстен шығып кетуі, басқа да оқыс оқиғаларға соқтыруы ықтимал», деді Қ.Ақмұрзаев.

Жыл басынан бері 23 мыңнан астам адамның әкімшілік жауапкершілікке тартылып, тиісті шаралардың қолданылғанына қарамастан, пойызды шұғыл тоқтату дерегі азаймай отыр. Осы мерзімде 2271 рет пойыз шұғыл тоқтатылған. Оған кінәлі адамдар (500), сондай-ақ үй жануарлары (1708).

«Әсіресе, балалардың жазатайым оқиғаға душар болуы ерекше алаңдатып отыр. Қыс кезінде балалар темір жол маңын ойын алаңына жиі айналдырады. Сондықтан ата-аналар балаларын назардан тыс қалдырмағаны жөн», деп түйіндеді сөзін полиция подполковнигі.

Еске сала кетейік, бұдан бұрын Оралда пойыз қағып кеткен әйелдің ауруханаға жеткізілгенін жазған болатынбыз.


Біздің каналымызға жазылыңыз:

Бөлісіңіз:

Автор:

Елжан Ералы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанат Қапалбаева
Жанат Қапалбаева
954-059

MURAǴAT