Қазақстанда техникалық ақауы бар көлікті пайдалану көбейді

None
None
НҰР-СҰЛТАН. ҚазАқпарат – Қазақстанда техникалық ақауы бар көлікті пайдалану үрдісі көбейді. ҚР Ішкі істер министрлігі Әкімшілік полиция комитеті төрағасының орынбасары Серік Түсіпов айтып берді, деп хабарлайды ҚазАқпарат.

«Жолдардағы қауіпсіздік деңгейін анықтайтын факторлардың бірі – автокөліктің техникалық жағдайы. Үш жылдық кезеңдегі (2018-2020 жылдар) құқық қолдану практикасының талдауы көрсеткендей, елде техникалық ақауы бар көлікті пайдалану көбейген», - деді Серік Түсіпов министрлікте өткен онлайн брифингіде.

Спикердің айтуынша, 2018 жылы қауіпсіздік талаптарына сай келмейтін, оның ішінде көлікті пайдалануға тыйым салынған ақауы бар автокөліктерді жүргізгені үшін 80,5 мың, 2019 жылы – 100,7 мың және 2020 жылы – 120,5 мың жүргізуші әкімшілік жауапкершілікке тартылды.

«Соңғы үш жылда тежегіш жүйесі, рульдік басқару және тарту-тіркеу құрылғылары бұзылған автокөліктерді пайдаланудың 516 фактісі анықталды (2018 жылы – 158, 2019 жылы – 224, 2020 жылы – 134). Аталған кезеңде тиісті рұқсатсыз қайта жабдықталған көлік құралдарын жүргізудің 25,2 мың фактісі анықталды (2018 жылы – 4 711, 2019 жылы – 11 155, 2020 жылы – 9 363)», - деп атап өтті Серік Түсіпов.


Соңғы жаңалықтар