+7 (701) 759 90 19
USD 427.15 EUR 519.12
RUB 5.96 CNY 66.84
Jańalyqtar

Қазақстанда тәркіленген есірткінің ең ірі партиясы: БҚО сотында үкім шықты

2021 жылғы 13 мамыр 21:28
Бөлісіңіз:
Қазақстанда тәркіленген есірткінің ең ірі партиясы: БҚО сотында үкім шықты

ОРАЛ. ҚазАқпарат – Батыс Қазақстан облысында Қазақстан аумағында синтетикалық есірткінің ең ірі көлемі (30 келіден астам) тәркіленген іс бойынша сот үкімі шықты, деп хабарлайды ҚазАқпарат тілшісі.

Ұқсас жаңалықтар
Қостанай облысында есірткі зертханасының қызметі тоқтатылды Жамбыл облысында «Қарасора-2021» операциясы басталды СҚО-да ауыл тұрғыны аса ірі көлемдегі есірткімен ұсталды

БҚО қылмыстық істер жөніндегі мамандандырылған ауданаралық сотында Украина азаматтары Игорь Дунаевский мен Виталий Малюкқа қатысты сот үкімі жарияланды.

Сот төрағасының міндет атқарушы Бақыт Ермаханов мәлім еткеніндей, ҚР ҚК 297-бабы 4-бөлігі (есірткі, психотроптық заттарды, сол тектестерді өткізу мақсатында заңсыз дайындау, сақтау, өткізу және қылмыстық топпен аса ірі мөлшерде психотроптық заттарды өткізу), 264-бабы 2-бөлігіне (трансұлттық қылмыстық ұйымға қатысу) сәйкес И.Дунаевский 19 жыл, В.Малюк 18 жылға бас бостандығынан айырылды. Олар жазасын қауіпсіздігі барынша жоғары қылмыстық-атқару жүйесі мекемесінде өтейді.

Сот талқысында мәлім болғанындай, өткен жылдың ақпан айында Украинада И.Дунаевский мен В.Малюк басқа да тергеумен анықталмаған адамдармен бірге Қазақстан аумағында аса ірі мөлшерде психотроптық заттарды дайындау және өткізу мақсатымен трансұлттық қылмыстық ұйым құруға уағдаласқан.

Сол жылы 23 ақпанда И.Дунаевский Минскіден Нұр-Сұлтанға ұшып келген. 8 наурызда Оралға жетіп, ұзақ мерзімге пәтер жалдап, В.Малюкті күткен.

В.Малюк Варшава, Нұр-Сұлтан қалалары арқылы 13 наурызда Оралға ұшып келген. Содан кейін екеуі Теректі ауданы Ақсуат ауылының шетінен тұрғын үй сатып алып, жасырын химиялық зертхана жасаған. Жалпы салмағы 30543,06 грамм мефедрон мен пировалирон психотроптық заттарын дайындап, өткізу мақсатында сақтаған. Бұл - Қазақстанда тәркіленген ең ірі синтетикалық есірткі болып табылады.

Үкім заңды күшіне енген жоқ.

Айта кетейік, аталған екеуді өткен жылдың тамыз айында полиция қызметкерлері ұстаған болатын.


Біздің каналымызға жазылыңыз:

Бөлісіңіз:

Автор:

Елжан Ералы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанат Қапалбаева
Жанат Қапалбаева
954-059

MURAǴAT