+7 (701) 759 90 19
USD 388.70 EUR 428.70
RUB 6.08 CNY 55.46
Jańalyqtar

Қазақстанда сыра мен шарап жарнамасына рұқсат берілмек

2019 жылғы 27 қыркүйек 15:33
Бөлісіңіз:
Қазақстанда сыра мен шарап жарнамасына рұқсат берілмек

НҰР-СҰЛТАН. ҚазАқпарат - Қазақстанда сыра мен шарап жарнамасына рұқсат берілмек. Бұл туралы бүгін ҚР Ақпарат және қоғамдық даму министрлігі БАҚ саласындағы мемлекеттік саясат департаментінің директоры Бақнияз Қарашина айтты, деп хабарлайды ҚазАқпарат тілшісі.

Ұқсас жаңалықтар
Шымкентте жұрттың наразылығын туғызған билборд көшеден алынып тасталды

«Заң жобасы аясында 5 негізгі норманы енгізу көзделіп отыр. Бірінші – отандық баспасөз, БАҚ үшін салықтық жеңілдіктер. Екінші – мемлекеттік ақпараттық саясаттың бірыңғай жүйесін құру. Үшінші – отандық БАҚ-та сыра мен шараптың сауда белгісіне немесе атауына жарнама жасауға тыйымды алу тастау. Төртінші - мемлекеттік қатысы бар телерадиоарналар үшін хабар тарату тілін анықтауда өкілетті органның құзіретін бекіту. Соңғысы – ақпаратқа қолжетімділік туралы заңнаманы жетілдіру», - деді ол Ақпарат және қоғамдық даму саласындағы қоғамдық кеңестің отырысында.

Оның атап өтуінше, газет пен журналдар үшін 2021 жылдан бастап 10 жыл мерзімге нөлдік мөлшерлемемен қосылған құн салығын енгізу көзделеді. Мұндай жеңілдік басылымның міндетті түрде онлайн-нұсқасы болған кезде ғана ұсынылады.

«Сонымен қатар заң жобасында Қазақстан аумағында шығарылған сыра мен шараптың тауарлық белгісі мен атауына жарнама жасауға тыйымды алу тастау ұсынылады. Бұл Интернет желісі мен шетелдік кабельдік телеарналарды мұндай жарнаманың орналастыруымен, ал қазақстандық БАҚ бұл кірісі көзінен айрылып отырғанымен байланысты. Бұл сусындардың жарнамасы газеттердің бірінші және соңғы беттеріне, журналдардың мұқабасына жарияланбауы тиіс. Телеарналар үшін мұндай жарнама сағат 22-00-ден 06-00-ге дейін ғана рұқсат етіледі», - деді Бақнияз Қарашина.

Департамент басшысының айтуынша, мұндай жарнамалардың алкоголь өнімдерін шамадан тыс ішудің зияны туралы міндетті ескертуі болады. Сонымен қатар сыра мен шарап жарнамасынан кейін іле-шала салауаты өмір салтын насихаттан роликтер көрсетіледі.

Біздің каналымызға жазылыңыз:

Басты сөздер: Қоғам,
Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT