+7 (701) 759 90 19
USD 389.86 EUR 435.32
RUB 6.12 CNY 55.12
Jańalyqtar

Қазақстанда соңғы сегіз жылда 14 теракт жасалды

2019 жылғы 18 қыркүйек 17:33
Бөлісіңіз:
Қазақстанда соңғы сегіз жылда 14 теракт жасалды

АЛМАТЫ. ҚазАқпарат- Алматыдағы Шет тілдері педагогикалық колледжінің студенттеріне зайырлы қоғамдағы ислам дінінің рөлі, діни экстремизм мен терроризмнің алдын алу жұмыстары түсіндірілді, деп хабарлайды ҚазАқпарат тілшісі.

Ұқсас жаңалықтар
Қызылордада жазасын өтеу мекемесінде терроризмді насихаттаған екі адам сотталды Террористік тұрғыдан осал дәмхана иелері жауапқа тартылуда ҰҚК терроризм туралы оқу-жаттығу видеосын көрсетті

Алматы қалалық қоғамдық даму басқармасының ұйымдастырумен шаһардағы ЖОО мен колледж студенттеріне экстремизм мен терроризмнің алдын алу жұмыстары түсіндірілуде. Арнайы құрылған ақпараттық топ мүшелері жастарға бір сағат дәріс оқып, студенттердің дін саласына қатысты сұрақтарына жауап береді.

Әл-Фараби атындағы ҚазҰУ дінтану және мәдениеттану кафедрасының аға оқытушысы Елнар Берікбаев Шет тілдері педагогикалық колледжінің студенттеріне зайырлы қоғамдағы ислам дінінің рөлін түсіндіріп, діни экстремизм мен терроризмнің қаупін айтты.

«Ресми дерек бойынша бүгінде елімізде 15 мыңдай азамат теріс діни ағымның жетегінде жүр. Соңғы 8 жылда елімізде 14 теракт болған, салдарынан 90 адам қаза тапты. 32 адам лаңкестік бойынша өмір бойына бас бостандығынан айырылса, тағы 50-дей адам жазасын өтеуде. Сондықтан терроризмге қарсы күресте азаматтарымызға өз құндылықтарымызды дәріптеп, идея етіп ұсынып жатырмыз. Мәселен, АҚШ халқын «Америкалық арман» сияқты ұрандар біріктіреді. Біздің құндылықтарымыздың қатарында үлкенді сыйлау, кішіге ізет көрсету, жақыныңа қол ұшын созатын «асар» салты бар. Қонақжайлық, бейбітсүйгіштік сияқты ерекшеліктеріміз көп. Осының бәрін дәріптей білуіміз қажет»,- дейді дінтанушы Елнар Берікбаев.

Қазақстанда азаматтардың діни сенім бостандығы қамтамасыз етілген. Конституция мен ұлттық заңнамалар ел тұрғындарына барынша кең құқықтар берумен қатар, бір мезгілде олардың мемлекет пен қоғам алдындағы міндеттерін де айқындап берді.

«Қазақтың батыры Бауыржан Момышұлының «Тәртіпсіз ел болмайды, тәртіпке бағынған құл болмайды» деген аталы сөзі бар. Яғни, заңын, ереже-тәртібін сыйламаған елдің болашағы бұлыңғыр деген сөз. Қазақстан өзінің демократиялық, зайырлы, құқықтық және әлеуметтік мемлекет екенін Конституция арқылы бекітіп, мемлекет пен діннің арақатынасын реттейтін зайырлылық қағидаттарына сүйенеді»,- деп түсіндірді Елнар Берікбаев.

Кездесу барысында дінтанушы Елнар Берікбаев мемлекеттік білім беру жүйесі де зайырлы және оның діни білім беру жүйесінен бөлек екенін баса айтты.

«Зайырлылық білім мекемелерінде жастардың бойында белгілі бір діни көзқарасты қалыптастыру дұрыс еместігін білдіреді. Сондықтан мектептегі хиджаб мәселесін көтеруші азаматтар сенім бостандығына мүмкіндік беретін заңға және басшыға бағынуы тиіс. Ал мектеп қабырғасында хиджабқа рұқсат берілмеуі білім мекемесінің ішкі тәртібін зайырлылық қағидаттарына сай сақтау мақсатында ғана жасалады. Мектептен тыс орындарда бұл мәселеге қатысты ешқандай тыйымдар көзделмеген»,- деп қорытындылады дінтанушы.

Сонымен қатар, лектор студенттерге дін саласына қатысты сұрақтар қойып, пікірлерін тыңдады. Жастарды ашық диалогкқа шақырды. Колледж студенттері ойларын жасырмай айтып, өздерін толғандырған сұрақтарын қойып, толыққанды жауап алды.


Біздің каналымызға жазылыңыз:

Бөлісіңіз:

Автор:

Алма Мұқанова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT