+7 (701) 759 90 19
USD 425.02 EUR 498.17
RUB 5.85 CNY 65.85
Jańalyqtar

Қазақстанда соңғы аптада 12 кісі өлтіру қылмысы ашылды

2021 жылғы 26 шілде 17:10
Бөлісіңіз:
Қазақстанда соңғы аптада 12 кісі өлтіру қылмысы ашылды

НҰР-СҰЛТАН. ҚазАқпарат – Елімізде өткен апта ішінде 12 адам өлтіру қылмысы ашылды. Бұл туралы ҚР Ішкі істер министрлігінің өкілі Шұғыла Берікқызы мәлім етті, деп хабарлайды ҚазАқпарат тілшісі.

Ұқсас жаңалықтар
Оралда 22 жастағы қызды өлтірген күдікті ұсталды Алматы облысында әйелін өлтіріп, денесін суға лақтырған күдікті ұсталды Алматы облысында 65 жастағы тұрғынды өлтірді деген күдікпен екі шопан ұсталды

«Өткен аптада ел аумағында 3226 қылмыс жасалды, оның 2225-і тәулік ішінде ашылды. Полиция қызметкерлері «ізін суытпай» 12 кісі өлтіруді, 8 өлімге әкеп соққан денсаулыққа қасақана ауыр зиян келтіруді, 2 қарақшылық, 44 тонау және 466 бөтен мүлікті ұрлау қылмысын ашты», - деді Ш. Берікқызы ІІМ-де онлайн өткен баспасөз мәслихатында.

Одан бөлек, баспасөз мәслихатында елдегі тұрмыстық зорлық-зомбылық мәселесі көтерілді.

Министрлік өкілінің айтуынша, аталған проблемаға қатысты заңнама 2009 жылы қабылданып, содан бері оған 12 мәрте толықтыру мен өзгертулер енгізілді.

Өз кезегінде ҚР ІІМ Әкімшілік полиция комитеті төрағасының орынбасары Алексей Милюк елімізде тұрмыстық зорлық-зомбылыққа қатысты жауапкершіліктің күшейтілетінін айтты.

«Қолданыстағы заңнамаға сәйкес, құқық қорғау органдары әкімшілік істі зардап шегушінің өтінішінсіз де жүргізе алады. Дегенмен, отбасылық зорлық-зомбылық көрген әйел, яғни зардап шегуші, көп жағдайда күйеуіне психологиялық, қаржылық жағынан тәуелді болғандықтан мәселені ушықтырғысы келмей, татуласуға келісімін береді. Өткен жылы бізге ел бойынша тұрмыстық зорлық-зомбылық құрбанымын деп жазылған 190 мың өтініш келіп түсті. Соның төрттен бірі ғана сотқа дейінгі тергеуге жіберілді. Жалпы, зорлық-зомбылыққа қатысты әкімшілік іс жүргізудің 60 пайызы екі жақтың татуласуына байланысты тоқтайды. Осы орайда біз тұрмыстық зорлық-зомбылық орын алған жағдайда екі жақтың татуласу процесін қайта қарауды қолға алып жатырмыз. Яғни, алдағы уақытта күйеуі тарапынан әйеліне қол көтеру қайталанған жағдайда татуласуға рұқсат бермеу жоспарда бар», - дейді ол.


Біздің каналымызға жазылыңыз:

Бөлісіңіз:

Автор:

Әли Ибраев

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT