12:08, 05 Қазан 2020 | GMT +6
Қазақстанда шерифтер пайда болуы мүмкін
НҰР-СҰЛТАН. ҚазАқпарат – Қазақстанның құқық қорғау жүйесінде шерифтер пайда болуы мүмкін, деп хабарлайды ҚазАқпарат тілшісі.
«Біз АҚШ, Ұлыбритания мен Канадада кеңінен тараған шерифтер моделін енгізу мәселесін пысықтап жатырмыз», - деді ІІМ кадр саясаты департаментінің бастығы Айдар Сайтбеков онлайн брифинг барысында.
Сондай-ақ елде «аттам жердегі полиция» қағидатын енгізу көзделген. Сонымен қатар ІІМ қылмыстың көп тіркелуі бойынша елді мекендерге талдау жүргізіп, патрульдік полиция қызметкерлерінің бағдарына өзгеріс енгізбек.
Шериф – әкімшілік-соттық лауазым. АҚШ-та шериф округтық полицияның басшылығында тұрады. Ал Ұлыбританияда графтықтардағы үкіметтің негізгі өкілі саналады.