+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Қазақстанда санитарлық-гигиеналық тораптары бар жанармай құю бекеттері салынады

2020 жылғы 2 маусым 12:58
Бөлісіңіз:
Қазақстанда санитарлық-гигиеналық тораптары бар жанармай құю бекеттері салынады

НҰР-СҰЛТАН. ҚазАқпарат – Биыл республикалық және жергілікті маңызы бар 9,5 мың шақырым автожол жөнделді. Бұл туралы ҚР Индустрия және инфрақұрылымдық даму министрі Бейбіт Атамқұлов айтып берді, деп хабарлайды ҚазАқпарат тілшісі.

Ұқсас жаңалықтар
СҚО-да биыл 400-ге жуық әлеуметтік маңызы бар нысан жөнге келтіріледі Елорда күніне орай Алматыда 40 нысан пайдалануға берілді

Министрдің сөзінше, жыл соңына дейін 2,6 мың шақырым жаңа автожолда қозғалыс ашылады. Мың жарым шақырым жолда күрделі және орташа жөндеу жүргізіледі.

«Бүгінде 1 815 нысан жол бойындағы сервисте жұмыс істейді, оның 894-і немесе 49% Ұлттық стандарт талаптарына сәйкес келеді. Министрлік облыс әкімдіктерімен бірлесіп, ынтымақтастық туралы келісім аясында Ұлттық стандартқа сәйкес келетін жол бойындағы сервис нысандарын көбейту бойынша жұмыс істейді», - деді ол Орталық коммуникациялар қызметінде өткен есеп беру брифингінде.

Спикер «Қазавтожол» компаниясының санитарлық-гигиеналық тораптары бар 23 жанармай құю станциясын салатынын, одан бөлек, 70-ке жуық санитарлық-гигиеналық торап орнатуды жоспарлап отырғанын жеткізді. Осылайша, жол бойындағы қызмет көрсету нысандарының 58% Ұлттық стандарт талаптарына сәйкес келетін болады.

«2020-2025 жылдарға арналған «Нұрлы жол» мемлекеттік бағдарламасының маңызды міндеті – жергілікті жол желісінің сапасын арттыру мен тұрғындарды үйге дейінгі жолмен қамтамасыз ету. Жергілікті желінің жалпы ұзындығы 70,9 мың км құрайды. Жергілікті желіні дамытуды қаржыландыруда жыл сайынғы нысаналы трансферттерді бөлу жолымен министрлік пен жергілікті атқарушы органдар арасындағы тепе-теңдік тәсілі қолданылады. Биыл 4 мың шақырым жол жөнделеді, оған 30 мың адам тартылады және жыл соңына дейін жергілікті желі жолдарының 75% жақсы және қанағаттанарлық жағдайға келтіріледі», - деді Б. Атамқұлов.

Оның айтуынша, 2025 жылға қарай жергілікті желінің 27 мың шақырым автожолы жөнделеді. Бұл облыстық және аудандық маңызы бар жолдардың 95% жақсы және қанағаттанарлық күйге келтіруге мүмкіндік береді.


Біздің каналымызға жазылыңыз:

Бөлісіңіз:

Автор:

Айжан Серікжанқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT