+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Қазақстанда прокуратура бизнесті мүлдем тексермейтін болады

2017 жылғы 14 маусым 17:37
Бөлісіңіз:
Қазақстанда прокуратура бизнесті мүлдем тексермейтін болады

АСТАНА. ҚазАқпарат - Қазақстанда прокуратура органдары бизнесті мүлдем тексермейтін болады.

Бұл туралы бүгін «Атамекен» ҰКП-ның IV съезі барысында ҚР Бас прокурорының орынбасары Марат Ахметжанов мәлім етті, деп хабарлайды ҚазАқпарат.

«Тексеру нәтижесіне сәйкес, бақылау-қадағалау қызметі қысқару үстінде. Жеті жылдың ішінде тексерулер 5 есеге азайды. Прокуратура туралы жаңа заңға сәйкес, бизнесті тексеруден мүлдем бас тартпақпыз. Олар Мемлекет басшысының тапсырмасына сәйкес ерекше жағдайлар болғанда ғана жүргізіледі», - деп атап өтті ол.

Оның айтуынша, соңғы 18 жыл бойы тексерулерді прокуратура органдары тіркеп келеді. Қазіргі уақытта тіркеу тәуекелдерді бағдарлауға арналған ІТ жүйеге көшірілуде.

«Қамқор» деп аталатын мобильді қосымшаны іске қостық. Кәсіпкердің ұялы телефонына барлық мәліметтермен бірге тексеру туралы СМС хаттама келіп түседі. Барлығына қолжетімді тексеру картасы бар. Онда кімнің көп бұзушылыққа барғаны көрсетіліп тұрады», - деп атап өтті Ахметжанов.

Айта кетерлігі, бұған дейін Марат Ахметжанов Қазақстанда экономикалық қылмыстарды қозғау тәсілдері өзгергенін атап өткен болатын.

Біздің каналымызға жазылыңыз:

Бөлісіңіз:

Автор:

Марлан Жиембай

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT